ચેરિટેબલ ટ્રસ્ટના રજિસ્ટ્રેશન માટેની અંતિમ તારીખ સીબીડીટીએ લંબાવી
નવી દિલ્હીઃ આવકવેરા વિભાગે ગુરુવારે ચેરિટેબલ અને ધાર્મિક ટ્રસ્ટો માટે ટેક્સ ઓથોરિટી સાથે રજિસ્ટ્રેશન અરજી રજૂ કરવાની અંતિમ તારીખ 30 જૂન સુધી લંબાવી છે. સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી એ અગાઉ ટ્રસ્ટ, સંસ્થાઓ અને ફંડ્સ દ્વારા ફોર્મ 10-એ, ફોર્મ 10એબી ફાઇલ કરવાની ડેડલાઇન ઘણી વખત લંબાવી હતી.
સીબીડીટીએ એક નિવેદનમાં કહ્યું કે 30 સપ્ટેમ્બર, 2023ની છેલ્લી લંબાવેલી તારીખ પછી આવા ફોર્મ ભરવાની તારીખ વધુ લંબાવવાની વિનંતી કરતી રજૂઆતોને ધ્યાનમાં રાખીને અને કરદાતાઓને પડતી મુશ્કેલીઓને ટાળવા માટે સીબીડીટીએ ફોર્મ ભરવાની અંતિમ તારીખ લંબાવી છે. સીબીડીટીએ એક નિવેદનમાં કહ્યું ફોર્મ 10-એ/ફોર્મ 10 એબી ફાઇલ કરવાની અંતિમ તારીખ 30 જૂન, 2024 સુધી લંબાવી છે.
આપણ વાંચો: રાજકીય પક્ષોને રૂ. 1,368 કરોડનું દાન આપનારો “લોટરી કિંગ” સેન્ટિયાગો માર્ટિન કોણ છે? જાણો તેની હકીકત
ફોર્મ 10-એ ટ્રસ્ટ/સંસ્થાઓ દ્વારા દાખલ કરાયેલ એક અરજી ફોર્મ છે જેઓ આવકવેરા મુક્તિ માટે પોતાને નોંધણી કરાવવા માંગે છે. ટ્રસ્ટ/સંસ્થાઓ દ્વારા તેમની કાયમી નોંધણી રિન્યૂ કરવા માટે ફોર્મ 10એબી ફાઇલ કરવામાં આવે છે.
સીબીડીટીએ વધુમાં સ્પષ્ટતા કરી કે જો આવા કોઈ વર્તમાન ટ્રસ્ટ, સંસ્થા અથવા ફંડ નિયત તારીખની અંદર વર્ષ 2022-23 માટે ફોર્મ 10-એ ફાઇલ કરવામાં નિષ્ફળ ગયા હોય અને ત્યારબાદ નવી એન્ટિટી તરીકે કામચલાઉ નોંધણી માટે અરજી કરી હોય અને ફોર્મ 10 એસી પ્રાપ્ત કર્યું હોય તો તે પણ મેળવી શકે છે. 30 જૂન, 2024 સુધી ફોર્મ 10-એમાં આ ફોર્મ 10 એસીને સરેન્ડર કરવાની અને હાલના ટ્રસ્ટ, સંસ્થા અથવા ફંડ તરીકે વર્ષ 2022-23 માટે નોંધણી માટે અરજી કરવાની તક છે.
સીબીડીટીએ જણાવ્યું હતું કે જે ટ્રસ્ટો, સંસ્થાઓ અથવા ફંડની ફરીથી રજીસ્ટ્રેશન માટેની અરજીઓ મોડેથી ફાઇલ કરવા અથવા ખોટા સેક્શન કોડ હેઠળ ફાઇલ કરવાને કારણે નકારી કાઢવામાં આવી હતી તેઓ 30 જૂન, 2024 ની વિસ્તૃત સમયમર્યાદામાં ફોર્મ 10એબીમાં નવી અરજી પણ સબમિટ કરી શકે છે
