મફત ગેસ સિલિન્ડર, ગૌ તસ્કરી પર રોક….ભાજપે ઝારખંડની ચૂંટણી માટે ‘સંકલ્પ પત્ર’ બહાર પાડ્યું

રાંચી: આજે ઝારખંડ વિધાનસભા ચૂંટણી માટે ભારતીય જનતા પાર્ટીનું ‘સંકલ્પ પત્ર’ (BJP Manifesto for Jharkhand) કેન્દ્રીય ગૃહ પ્રધાન અમિત શાહ (Amit Shah)ની હાજરીમાં જાહેર કરવામાં આવ્યું. આ દરમિયાન આસામના મુખ્ય પ્રધાન હિમંતા વિશ્વ શર્મા, કેન્દ્રીય પ્રધાન શિવરાજ સિંહ ચૌહાણ, સંજય સેઠ અને ઝારખંડ ભાજપના અધ્યક્ષ બાબુલાલ મરાંડી પણ હાજર હતા.

‘સંકલ્પ પત્ર’ માં ભાજપે ઝારખંડની જનતાને ઘણા વચનો આપ્યા છે. 81 બેઠકોની ઝારખંડ વિધાનસભા માટે બે તબક્કામાં ચૂંટણી યોજાવાની છે. ઝારખંડમાં પ્રથમ તબક્કાની ચૂંટણી 13 નવેમ્બરે અને બીજા તબક્કાની ચૂંટણી 20 નવેમ્બરના રોજ યોજાશે. 23 નવેમ્બરે મતદાનના પરિણામો જાહેર થશે.

ભાપના સંકલ્પ પત્રના મહત્વના મુદ્દા:

1. રોટી, દીકરી અને માટીની રક્ષા થશે
2. દિવાળી અને રક્ષાબંધન પર એક-એક ગેસ સિલિન્ડર મફત
3. બાંગ્લાદેશી ઘૂસણખોરો દ્વારા જે જમીન હડપ કરવામાં આવે છે તેને રોકીશું
4. ઘૂસણખોરોને ઓળખીને બહાર કાઢવામાં આવશે
5. ધાર્મિક યાત્રાધામો પર હુમલો કરનારાઓને જેલમાં મોકલવામાં આવશે.
6. ઝારખંડમાં યુસીસી લાગુ કરવામાં આવશે, પરંતુ આદિવાસીઓનો તેમાં સમાવેશ નહીં થાય
7. ઝારખંડને ગાયની તસ્કરીથી સંપૂર્ણપણે મુક્ત કરશે
8. ઝારખંડમાં બોલાતી ભાષાઓ શૈક્ષણિક સંસ્થાઓમાં શીખવવામાં આવશે
9. ઝારખંડમાં બોલાતી કેટલીક ભાષાઓને ઝારખંડની સત્તાવાર ભાષા બનાવવામાં આવશે.
10. વ્યાકરણ અને શબ્દકોશ માટે વિદ્વાનોની સમિતિ બનાવશે
    ભાજપના બાબુલાલ મરાંડીએ કેન્દ્રીય પ્રધાનો શિવરાજ સિંહ ચૌહાણ, અન્નપૂર્ણા દેવી અને આસામના મુખ્ય પ્રધાન હિમંતા વિશ્વ શર્માની હાજરીમાં ‘પંચ પ્રણ’ ની જાહેરાત કરી હતી.

Also Read – Jharkhand Election 2024: કેન્દ્રીય ગૃહમંત્રી અમિત શાહે કરી આ મોટી જાહેરાત

ભાજપના ‘પંચ પ્રાણ’ અનુસાર, રાજ્યમાં દરેક પરિવાર 500 રૂપિયામાં એલપીજી ગેસ સિલિન્ડર ખરીદી શકશે. આ સિવાય એક વર્ષમાં બે સિલિન્ડર ફ્રીમાં આપવામાં આવશે. સરકારી વિભાગોમાં 2.87 લાખ ખાલી જગ્યાઓ ભરવામાં આવશે. કેબિનેટની પ્રથમ બેઠક બાદ નિમણૂકની પ્રક્રિયા શરૂ જશે થશે અને નવેમ્બર 2025 સુધીમાં 1.5 લાખ જગ્યાઓ ભરવામાં આવશે. જો ભાજપ સત્તામાં આવશે, તો પક્ષ અંડરગ્રેજ્યુએટ અને પોસ્ટગ્રેજ્યુએટ વિદ્યાર્થીઓને બે વર્ષ માટે રૂ. 2,000 ની નાણાકીય સહાય પણ આપશે જેથી તેઓ સ્પર્ધાત્મક પરીક્ષાઓની તૈયારી કરી શકે. મહિલાઓને સશક્તિકરણ કરવાના તેના મિશનના ભાગરૂપે ભાજપ ‘ગોગો-દીદી’ યોજના શરૂ કરશે અને આ કાર્યક્રમ હેઠળ મહિલાઓને દર મહિને 2,100 રૂપિયાની સહાય મળશે.