પટના: બિહારમાં વિધાનસભા ચૂંટણી પરિણામો જાહેર થઈ રહ્યા છે. જેમાં પ્રારંભિક વલણમાં એનડીએ જીત તરફ અગ્રેસર છે. બિહાર વિધાનસભાની કુલ 243 બેઠકોમાં બહુમતી માટે 122 બેઠકોની જરૂર છે. જોકે, હાલ સુધીના પરિણામોમાં એનડીએ 205 બેઠક પર આગળ છે. જયારે બીજી તરફ મહાગઠબંધન ખુબ જ પાછળ છે. મહાગઠબંધને મોટો આંચકો સહન કરવો પડી રહ્યો છે. જેમાં મહાગઠબંધનની પાર્ટીઓના પરિણામોના વલણો પર નજર કરીએ તો જોવા મળશે કે આરજેડી અને કોંગ્રેસને બેઠકો મળી છે. જયારે વીઆઈપી સહિતની પાર્ટીઓ ખાતું પણ ખોલાવી શકી નથી.
હિન્દુસ્તાન અવામી મોરચાનું સારું પ્રદર્શન
જયારે બીજી તરફ એનડીએના મોટા ભાગના પક્ષો સારું પ્રદર્શન કરી રહ્યા છે. જેમાં ભાજપ 95 બેઠક પર આગળ છે. તેમજ એનડીએના સાથી પક્ષ અને જીતનરામ માંઝીનો પક્ષ હિન્દુસ્તાન અવામી મોરચો પણ સારું પ્રદર્શન કરી રહ્યો છે. જેમાં એચએએમએ 6 બેઠક પર ચૂંટણી લડી હતી તેમજ તે છ બેઠકો પર આગળ છે.
243 બેઠકોના પરિણામો આજે જાહેર કરવામાં આવશે
બિહાર વિધાનસભાની તમામ 243 બેઠકોના પરિણામો આજે જાહેર કરવામાં આવશે. વલણો હાલમાં ભાજપ સૌથી મોટા પક્ષ તરીકે ઉભરી રહ્યો છે. આ લખાય છે ત્યાં સુધી, વલણો દર્શાવે છે કે ભાજપ 95 બેઠકો પર, JDU 84 બેઠકો પર, LJP (ચિરાગ) 20 બેઠકો પર અને અન્ય 9 બેઠકો પર આગળ છે. પરિણામે, એનડીએ 207 બેઠકો પર આગળ છે. જ્યારે AIMIM પાંચ બેઠકો પર આગળ છે.
કોંગ્રેસ 5 બેઠકો પર આગળ
બિહાર વિધાનસભા ચૂંટણીના પરિણામોમાં પ્રારંભિક વલણમાં આરજેડીને 28 બેઠકો પર અને કોંગ્રેસ 5 બેઠકો પર આગળ છે. જયારે વીઆઈપી પાર્ટી ખાતું ખોલાવી શકી નથી. જયારે અન્ય 5 બેઠકો પર આગળ છે. જેના લીધે મહાગઠબંધનને કુલ 37 બેઠકોની લીડ છે. કોંગ્રેસ મહાગઠબંધનમાં સૌથી નબળી કડી સાબિત થઈ જ્યારે વીઆઈપી બીજા સ્થાને રહ્યું કારણ કે કોંગ્રેસે 61 બેઠકો પર ચૂંટણી લડી હતી.
આ પણ વાંચો…બિહારમાં મહાગઠબંધનની હારનું ઠીકરું અખિલેશ યાદવે કોના પર ફોડ્યું! X પર કરી આવી પોસ્ટ
