સાવધાન ! વોટ્સએપ પર ચાલી રહ્યું છે મોટું સ્કેમ, ફોટો- વિડીયો ડાઉનલોડ કરતા જ થઇ જશે બેંક એકાઉન્ટ ખાલી
નવી દિલ્હી : દેશમા સતત વધી રહેલો સોશિયલ મીડિયાનો વપરાશ ડિજિટલ ફ્રોડ કરનારાઓ માટે આશીર્વાદરૂપ બની રહ્યો છે. જેના પગલે હવે ટેલિફોમ રેગ્યુલેટરી ઓથોરિટીએ લોકોને વોટ્સએપ, ટેલિગ્રામ જેવી ઇન્સ્ટન્ટ મેસેજિંગ એપ્સમાંથી ફોટા, વીડિયો વગેરે ડાઉનલોડ ન કરવા સલાહ આપી છે. હેકર્સ ફોટા અને વીડિયો દ્વારા યુઝર્સના ફોન પર ખતરનાક માલવેર એટલે કે વાયરસ મોકલે છે. જે તેમના બેંક ખાતાની વિગતો ચોરી લે છે. ટેલિકોમ્યુનિકેશન વિભાગે આવા સ્કેમથી બચવા માટે કેટલાક પગલાં પણ સૂચવ્યા છે.
કૌભાંડને સ્ટેગનોગ્રાફી કહેવામા આવે છે
આજકાલ સ્માર્ટફોન યુઝર્સ માટે એક જરૂરિયાત બની ગયો છે. યુઝર્સ ફક્ત કોલિંગ માટે જ તેમના ફોનનો ઉપયોગ કરતા નથી પરંતુ તેના દ્વારા UPI વ્યવહારો, બેંકો વગેરેને પણ ઍક્સેસ કરી શકે છે. આવી સ્થિતિમાં, જો કોઈ તમારા ફોનની ઍક્સેસ મેળવે છે તો તમારું બેંક એકાઉન્ટ હેક થઈ શકે છે. સ્કેમર્સ હંમેશા નવી પદ્ધતિઓ અપનાવીને લોકોને છેતરવાનો પ્રયાસ કરતા હોય છે. આ પ્રકારના કૌભાંડને સ્ટેગનોગ્રાફી નામ આપવામાં આવ્યું છે.
યુઝર્સના ફોનમાં ખતરનાક વાયરસ દાખલ કરે છે
આ નવા ફ્રોડ અંગે ટેલિકોમ્યુનિકેશન વિભાગે સત્તાવાર X હેન્ડલ દ્વારા માહિતી આપતા, જણાવ્યું હતું કે સ્કેમર્સ વોટ્સએપ, ટેલિગ્રામ, ફેસબુક મેસેન્જર, ઇન્સ્ટાગ્રામ જેવા સોશિયલ મીડિયા પ્લેટફોર્મનો ઉપયોગ કરીને આમંત્રણ અથવા ઓફર વગેરેના નામે તમારી સાથે ફોટા અથવા વિડિઓઝ શેર કરે છે. યુઝર્સ આ નવી ઓફર અથવા આમંત્રણો વગેરે જુએ છે અને તે ફોટા અથવા વિડિઓઝ તેમના ફોન પર ડાઉનલોડ કરે છે. આમ કરીને, સ્કેમર્સ યુઝર્સના ફોનમાં ખતરનાક વાયરસ દાખલ કરે છે અને તેમના ફોનમાં એન્ટર થાય છે.
આ પણ વાંચો: Mumbai Airport પર ચાલે છે આ નવો સ્કેમ, જાણી લો અત્યારે જ, પછી કહેતાં નહીં કે…
ફોટો અને વીડિયો દ્વારા ફોન હેકિંગ
ઘણી વખત યુઝર્સને ખબર પણ હોતી નથી અને ફોટા અને વીડિયો વોટ્સએપ, ઇન્સ્ટાગ્રામ જેવી એપ્સ દ્વારા તેમના ફોનમા ઓટોમેટિક ડાઉનલોડ થઈ જાય છે. આવા યુઝર્સએ આ એપ્સના સેટિંગ્સમાં જઈને ફોટા અને વીડિયો જાતે ડાઉનલોડ થવાના વિકલ્પને બંધ કરવો પડશે. આનાથી યુઝર્સને બે પ્રકારના ફાયદા મળશે. પ્રથમ તેમના ફોનનો ડેટા ઝડપથી ખતમ નહીં થાય અને બીજું આવા સ્કેમથી બચી શકાય છે.
સ્ટેગનોગ્રાફી કેવી રીતે ટાળવી?
ટેલિકોમ્યુનિકેશન વિભાગે યુઝર્સને કોઈપણ અજાણ્યા નંબર પરથી પ્રાપ્ત થયેલા ફોટા, ઓડિયો અને વિડિયો ડાઉનલોડ ન કરવા સલાહ આપી છે. આવી મીડિયા ફાઇલોની સાથે સ્કેમર્સ યુઝર્સ સાથે એક લિંક પણ શેર કરે છે. યુઝર્સ જાણી જોઈને કે અજાણતાં આ લિંક્સ ખોલે છે, જેના દ્વારા હેકર્સ યુઝર્સના ફોનમાં એન્ટર થાય છે.