આજે પહેલી ઓક્ટોબર અને એની સાથે ઓક્ટોબર મહિનો શરૂ થઈ ગયો છે. ઓક્ટોબર મહિનાને મંથ ઓફ ફેસ્ટિવલ તરીકે પણ ઓળખવામાં આવે છે, કારણ કે આ જ મહિનામાં દશેરાથી લઈને દિવાળી, છઠ્ઠ પૂજા, નવું વર્ષ, ભાઈબીજ સુધીના અનેક મહત્ત્વના તહેવારો આવી રહ્યા છે. આ સાથે જ ઓક્ટોબર મહિનામાં રજાઓની ભરમાર પણ રહેશે, જો તમે પણ બેંકિંગ સંબંધિત કામો પતાવવાનું પ્લાનિંગ કરી રહ્યા છો તો તમારે રિઝર્વ બેંક ઓફ ઈન્ડિયા (RBI)ની આ યાદી પર એક નજર નાખીએ.
દર મહિને આરબીઆઈ દ્વારા ભારતના વિવિધ રાજ્યમાં આવનારા બેંક હોલીડેની યાદી બહાર પાડવામાં આવી છે અને આ યાદી અનુસાર આવતા મહિને એટલે કે ઓક્ટોબરમાં દેશભરના અલગ અલગ રાજ્યમાં 15થી વધુ દિવસ સુધી બેંકો બંધ રહેશે. જોકે, એવું નથી કે દરેક રાજ્યમાં આ રજાઓ એક સમાન હોય. ચાલો જોઈએ ઓક્ટોબર મહિનામાં કયા દિવસે ક્યાં ક્યાં બેંકો બંધ રહેશે-
આ પણ વાંચો: 4થી ઓક્ટોબરથી ચેક એ જ દિવસે થશે ક્લિયર! RBIના નવા નિયમ હેઠળ ગ્રાહકોએ શું ધ્યાન રાખવું પડશે?
ઓક્ટોબર મહિનામાં આ દિવસે રહેશે બેંકો બંધ-
⦁ 1લી ઓક્ટોબર, 2025- નવરાત્રિ સમાપ્તિ, વિજયાદશમી (દશેરા), આયુધ પૂજા, દુર્ગા પૂજા
⦁ 2જી ઓક્ટોબર, 2025- મહાત્મા ગાંધી જયંતિ (દેશભરમાં બેંકો બંધ રહેશે)
⦁ 3જી ઓક્ટોબર, 2025- દશેરા, વિજયાદશમી, દુર્ગા પૂજા
⦁ 4થી ઓક્ટોબર, 2025- દુર્ગા પૂજા (દશૈન)
⦁ 5મી ઓક્ટોબર, 2025- રવિવાર
⦁ 6ઠ્ઠી ઓક્ટોબર, 2025- લક્ષ્મી પૂજા
⦁ 7મી ઓક્ટોબર, 2025- મહર્ષિ વાલ્મિકી જયંતી, કુમાર પૂર્ણિમા
⦁ 10મી ઓક્ટોબર, 2025- કરવા ચૌથ
⦁ 11મી ઓક્ટોબર, 2025- બીજા શનિવાર
⦁ 12મી ઓક્ટોબર, 2025- રવિવાર
⦁ 18મી ઓક્ટોબર, 2025- કાતિ બિહુ (અસમ)
⦁ 19મી ઓક્ટોબર, 2025- રવિવાર
⦁ 20મી ઓક્ટોબર, 2025 દિવાળી (નરક ચતુર્દશી, કાળી પૂજા)
⦁ 21મી ઓક્ટોબર, 2025- દિવાળી અમાવસ્યા, લક્ષ્મી પૂજન, ગોવર્ધન પૂજા
⦁ 22મી ઓક્ટોબર, 2025- દિવાળી (બલિ પ્રતિપદા), વિક્રમ સંવત નવું વર્ષ, ગોવર્ધન પૂજા, લક્ષ્મી પૂજા
⦁ 23મી ઓક્ટોબર, 2025- ભાઈ બીજ, ચિત્રગુપ્ત જયંતિ
⦁ 25મી ઓક્ટોબર, 2025- ચોથો શનિવાર
⦁ 26મી ઓક્ટોબર, 2025- રવિવાર
⦁ 27મી ઓક્ટોબર, 2025- છઠ પૂજા (સાંજનો અર્ધ્ય)
⦁ 28મી ઓક્ટોબર, 2025- છઠ પૂજા (સવારની અર્ધ્ય)
⦁ 31મી ઓક્ટોબર, 2025- સરદાર વલ્લભભાઈ પટેલ જયંતિ
