Ambani પરિવાર લાગ્યો લગ્નની તૈયારીમાં, આ ગાયકો મચાવશે ધૂમ
જામનગરઃ વિશ્વના શ્રીમંતોમાં જેમનું નામ આવે છે તે મુકેશ અંબાણી (Mukesh Ambani)ના પુત્ર અનંત અંબાણી (Anant Ambani)ના લગ્ન રાધિકા મર્ચન્ટ સાથે થઈ રહ્યા છે. આ લગ્ન સૌરાષ્ટ્રના જામનગર (Jamnagar) ખાતે થવાના છે. પ્રી વેડિંગ ફંકશનની તૈયારીઓ પુરજોરથી ચાલી રહી છે. મહેમાનોને આમંત્રણ પણ મોકલાઈ ચૂક્યા છે.
મુકેશ અંબાણીના ત્રણ સંતાનોમાંથી નાના અનંતના લગ્ન આ પરિવારના છેલ્લા લગ્ન છે આથી ધામધૂમમાં કોઈ કસર મુકેશ તેમ જ નીતા અંબાણી છોડવા માગતા નથી. સ્વાભાવિક રીતે તેમના લગ્નમાં દરેક ક્ષેત્રના મહેમાનો હશે, જેમાં બોલીવૂડ સિતારાઓનો કાફલો જામનગરમાં મહેમાન બનશે. લગ્ન પહેલાની સેરેમનીમાં સંગીત સેરેમની સૌની પસંદની હોય છે ત્યારે આ સંગીતમાં બોલીવૂડના જાણીતા ગાયકો અરિજિત સિંહ, હરીહરણ અને પ્રિતમ પરફોર્મ કરશે તેવી માહિતી મળી છે.
અગાઉ આ સેરેમનીમાં બોલીવૂડનું સ્વીટ કપલ રણબીર અને આલિયા ડાન્સ પર્ફોરમન્સ આપવાના હોવાની વાત પણ બહાર આવી હતી.
અનંત અંબાણીને જામનગર સાથે ઘણી મમતા હોવાથી આ લગ્ન જામનગરમાં રાખવાનું અંબાણી પરિવારે નક્કી કર્યું છે.
