Anant Radhika ના લગ્ન માં ગૌતમ ગંભીર અને શાહરૂખ ખાન ગળે મળ્યા, જોવા મળી અનોખી મિત્રતા

મુંબઈ : KKR છોડ્યા બાદ ગૌતમ ગંભીર અને શાહરૂખ ખાનનો એકબીજાને ભેટતા જોવા મળ્યા છે. મુંબઈમાં અનંત અંબાણી અને રાધિકા મર્ચન્ટના(Anant Radhika) લગ્ન દરમિયાન બંનેની મુલાકાત થઈ હતી. જ્યાં શાહરૂખ અને ગંભીરે એકબીજાને ગળે લગાવ્યા હતા. જેમાં તેમની મિત્રતાનો રંગ દેખાઈ રહ્યો હતો.

કેકેઆરની કરોડોની નોકરીને ફગાવી દીધી

ગૌતમ ગંભીરે ટીમ ઈન્ડિયા માટે કેકેઆરની કરોડોની નોકરીને ફગાવી દીધી અને હવે તે ભારતીય ક્રિકેટ ટીમના કોચ બન્યા છે. આ બધા પછી જ્યારે ગંભીર અને શાહરૂખ પહેલી વાર મળ્યા હતા, તે પણ ખૂબ જ ખાસ હતું અને અલગ થયા પછી પણ તેમના સંબંધોમાં પહેલા જેટલો જ સ્નેહ જોવા મળ્યો હતો.

શાહરૂખ-ગંભીરે ગળે મળ્યા

સ્વાભાવિક છે કે, શાહરૂખ સાથેના ગાઢ સંબંધોને કારણે ગંભીરે આ નિર્ણય લેતા પહેલા તેની સાથે વાત કરી હશે, પરંતુ KKR છોડ્યા પછી પહેલીવાર બંને સ્ટાર્સ જાહેરમાં સાથે જોવા મળ્યા હતા અને ચાહકો તેનો વીડિયો ખૂબ પસંદ કરી રહ્યા છે.

ગંભીરનો પહેલો પડકાર

ચાહકો આ વીડિયોને પસંદ કરી રહ્યા છે પરંતુ હવે દરેક લોકો રાહ જોઈ રહ્યા છે કે ગૌતમ ગંભીર ટીમ ઈન્ડિયા સાથે તેની સફર શરૂ કરે. ટીમ ઈન્ડિયાના નવા કોચ તરીકે ગંભીરનો પહેલો પડકાર 27 જુલાઈથી શરૂ થશે, જ્યારે ટીમ ઈન્ડિયા શ્રીલંકા પ્રવાસ પર T20 શ્રેણી રમશે.

T20 સીરીઝ બાદ બંને ટીમો વચ્ચે 3 ODI મેચ પણ રમાશે. આ પ્રવાસ માટે ટીમ ઈન્ડિયાની ટૂંક સમયમાં જાહેરાત કરવામાં આવશે અને દરેક વ્યક્તિ એ જોવા માંગે છે કે ગંભીરની પ્રથમ ટીમ કોચ તરીકે કેવી રહેશે. શું તે કોઈ આશ્ચર્યજનક નિર્ણય લેશે?