‘મોબ લિચિંગ’ને રોકવા કાર્યવાહીઃ રાજ્ય સરકારો પાસે સુપ્રીમ કોર્ટે માગ્યો જવાબ
નવી દિલ્હી: દેશની વિવિધ રાજ્ય સરકારોએ મોબ લિંચિંગ અને ગાયની કતલની ઘટનાઓમાં કરવામાં આવેલી કાર્યવાહી અંગે છ અઠવાડિયામાં જવાબ આપવા જણાવ્યું છે. સુપ્રીમ કોર્ટના જસ્ટિસ બીઆર ગવઈ, અરવિંદ કુમાર અને સંદીપ મહેતાની બેન્ચે છ અઠવાડિયા પછી સુનાવણી કરવાનો આદેશ આપ્યો હતો.
એક મહિલા સંગઠન દ્વારા દાખલ કરાયેલી અરજીમાં એમણે સુપ્રિમ કોર્ટના ૨૦૧૮ના ચુકાદાને અનુરૂપ અને ગૌ રક્ષકો દ્વારા મુસ્લિમો સામે લિંચિંગની ઘટનાઓને અસરકારક રીતે નિપટાવવા માટે રાજ્યોને તાત્કાલિક પગલાં લેવાનો નિર્દેશ માંગ્યો હતો.
બેન્ચે આદેશ આપ્યો હતો કે અમને જાણવા મળ્યું છે કે મોટા ભાગનાં રાજ્યોએ મોબ લિંચિંગના દાખલા આપતી રિટ પિટિશનમાં તેમના જવાબ એફિડેવિટ દાખલ કર્યાં નથી. આવા કિસ્સાઓમાં શું પગલાં લેવામાં આવ્યા છે તેનો ઓછામાં ઓછો જવાબ આપે તેવી રાજ્યો પાસેથી અપેક્ષા હતી.
અમે છ અઠવાડિયાનો સમય આપીએ છીએ, જે રાજ્યોએ તેમના જવાબો આપ્યા નથી અને આવા કિસ્સાઓમાં તેમના દ્વારા લેવામાં આવેલા પગલાંની વિગતો પણ આપો.
સર્વોચ્ચ અદાલત ભારતીય કમ્યુનિસ્ટ પાર્ટી સાથે જોડાયેલી સંસ્થા નેશનલ ફેડરેશન ઓફ ઈન્ડિયન વુમન દ્વારા દાખલ કરવામાં આવેલી અરજી પર સુનાવણી કરી રહી હતી, જેમાં ગયા વર્ષે કેન્દ્ર અને મહારાષ્ટ્ર, ઓરિસ્સા, રાજસ્થાન, બિહારના ડીજીપીને નોટિસ આપવામાં આવી હતી. મધ્ય પ્રદેશ અને હરિયાણા અરજી પર તેમના જવાબ માંગે છે.
