મુંબઈ-અમદાવાદના કોરિડોરમાં ‘કવચ’નું કામ ક્યાં પહોંચ્યું? જાણો હજી કેટલી રાહ જોવી પડશે!
મુંબઈ: મુંબઈ-અમદાવાદ કોરિડોરમાં કલાકના 160 કિલોમીટરની સ્પીડથી મુસાફરી કરવા માટે પ્રવાસીઓને હજુ આગામી બે વર્ષ સુધી રાહ જોવી પડી શકે છે. મુંબઈ-અમદાવાદ વચ્ચે 160 કિમી પ્રતિ કલાકની ઝડપે મુસાફરી કરવા માટે મુસાફરોને લગભગ 2 વર્ષ રાહ જોવી પડશે કારણ કે આ ગતિ સમગ્ર લાઇન પર ‘કવચ’નું કામ પૂર્ણ થયા પછી જ શક્ય બનશે.
હાલમાં, વિરાર-નાગદા અને વડોદરા-અમદાવાદ વચ્ચે ‘કવચ’નું કામ એડવાન્સ સ્ટેજ પર છે પરંતુ તે ક્યાં સુધી પૂર્ણ હશે તે હજુ સુધી જાહેર કરવામાં આવ્યું નથી.
આપણ વાંચો: મુંબઈ-અમદાવાદ કોરિડોર ‘કવચ’થી બનાવાશે ‘ફુલપ્રૂફ’: જાણો ક્યાં સુધીમાં કરશે અમલ?
એક અધિકારીએ જણાવ્યું હતું કે ટ્રેનને વધુ ઝડપે ચલાવવા માટે સંબંધિત માળખાગત સુવિધાઓ તૈયાર કરવામાં આવી રહી છે. મુંબઈ-ગુજરાત સેક્શન પર ઇલેક્ટ્રિકલ કામ પૂર્ણ થઈ ગયું છે અને સિગ્નલિંગનું કામ ચાલુ છે.
હાલમાં આ લાઇન પરની બધી પ્રીમિયમ ટ્રેનો 130 કિમી પ્રતિ કલાકની ઝડપે દોડે છે, જે મુંબઈથી અમદાવાદ પહોંચવામાં ઓછામાં ઓછા 5 કલાક 35 મિનિટ લે છે. પરંતુ, જ્યારે ટ્રેન 160 કિમી પ્રતિ કલાકની ઝડપે દોડશે ત્યારે મુસાફરીનો સમય લગભગ 4 કલાક 45 મિનિટનો થઈ શકે છે.
આપણ વાંચો: Bullet Train : મુંબઈ-અમદાવાદના કોરિડોરમાં 340 કિલોમીટરનું કામ પ્રગતિના પંથે…
ઉપરાંત, અન્ય ટ્રેનોના સમયપત્રકમાં પણ ફેરફાર થશે. હાઇ-સ્પીડ ટ્રેનો માટે સમગ્ર રૂટ પર ટ્રેકના બંને છેડા પર ફેન્સિંગનું કામ પૂર્ણ થઈ ગયું છે. ઉપરાંત, ટ્રેકની નીચેનો બેઝ પહોળો કરવામાં આવ્યો છે જેથી ગતિ સ્થિર રહે. તેના સમગ્ર રૂટ પર 2×25000 વોલ્ટ (25 હજાર વોલ્ટની 2 અલગ પાવર લાઇન) પાવર લાઇનો બનાવવામાં આવી છે.
ચર્ચગેટ-વિરાર વચ્ચે ‘કવચ’નું કામ પણ ચાલી રહ્યું છે
ઉપનગરીય વિભાગમાં પણ કવચનું કામ શરૂ થઈ ગયું છે. વિરાર અને દહિસર વચ્ચે OFC કેબલ સંપૂર્ણપણે બિછાવી દેવામાં આવ્યા છે. ઉપનગરીય લાઇન પર કવચ સિસ્ટમ શરૂ થવાથી અકસ્માતો ઘટશે.
