મુંબઈ: પશ્ચિમ રેલવેમાં પાલઘર રેલવે સ્ટેશન નજીક ઓવરહેડ ઇક્વિપમેન્ટ (OHE)માં ખામી સર્જાતા પશ્ચિમ રેલવેમાં લોકલ ટ્રેન સાથે લાંબા અંતરની મેલ એક્સપ્રેસ ટ્રેનની સર્વિસ પર અસર થઈ હતી.
આ અંગે રેલવે અધિકારીએ કહ્યું હતું કે રાતના સાત વાગ્યાના સુમારે પાલઘર રેલવે સ્ટેશન નજીક ઓવરહેડ વાયરમાં ટેકનિકલ ખામી ઊભી થઈ હતી, જેથી વિરારથી પાલઘર અને પાલઘરથી મુંબઈ આવનારી અમુક ટ્રેન રદ કરવામાં આવી હતી. ઉપરાત અનેક લાંબા અંતરની મેલ એક્સપ્રેસ ટ્રેન પણ વિરારથી પહેલા એક પછી એક સાઇડિંગમાં રાખવામાં આવી હતી. આ મુદે જાહેરાત કરવામાં આવતી હતી પણ અનેક ટ્રેનો રદ કરતા હજારો પ્રવાસીઓ રખડી પડ્યાં હતાં.
પ્રાથમિક તબક્કે હાલમાં વસઈ રોડથી દહાણુ રોડ, દહાણુ રોડ વિરાર, વિરારથી દહાણુ રોડ, વિરાર ભાયંદર સહિત અન્ય ટ્રેન રદ કરવામાં આવી છે. ટેકનિકલ ખામી દૂર કરવા માટે રેલવે પ્રશાસન યુદ્ધના ધોરણે કામગીરી હાથ ધરી છે, એમ અધિકારીએ જણાવ્યું હતું.
હાલમાં કામગીરી ચાલી રહી છે, જ્યારે up અને down એમ બંને લાઇન અનુક્રમે 10.45 અને 11.45 વાગ્યાના સુમારે શરૂ કરવાની અપેક્ષા રાખવામાં આવી રહી છે.
