પશ્ચિમ રેલવેમાં બોરીવલી-ભાયંદર વચ્ચે કાલે નાઈટ બ્લોક

મુંબઈઃ રેલવે ટ્રેક અને સિગ્નલ યંત્રણાના મેઈન્ટેનન્સ માટે આવતીકાલે પશ્ચિમ રેલવેમાં બોરીવલી અને ભાયંદર વચ્ચે નાઈટ બ્લોક રહેશે. શનિવારે રાતના બોરીવલી અને ભાયંદર રેલવે સ્ટેશનની વચ્ચે અપ એન્ડ ડાઉન ફાસ્ટ લાઈનમાં રાતના 12.30 વાગ્યાથી રવિવારે સવારના 4.30 વાગ્યા સુધી નાઈટ બ્લોક રહેશે.

આ બ્લોક દરમિયાન તમામ ટ્રેન વિરાર/વસઈ રોડથી બોરીવલી વચ્ચે સ્લો લાઈનમાં ડાઈવર્ટ કરવામાં આવશે. આ બ્લોક પછી રવિવારે દિવસ દરમિયાન પશ્ચિમ રેલવેમાં કોઈ બ્લોક રહેશે નહીં.