હાઈકોર્ટે અરજી પર સુનાવણી કરવાનો ઇનકાર કર્યો

મુંબઇ: મુંબઇ હાઈકોર્ટના જસ્ટિસ ગૌતમ પટેલે બુધવારે એક અરજી પર સુનાવણી કરવાનો ઈન્કાર કર્યો હતો. અરજદારે અરજી પર તાત્કાલિક સુનાવણીની વિનંતી કરતો અંગત ઈમેઈલ મોકલ્યો હોવાથી નારાજ થયા બાદ કોર્ટે આ નિર્ણય લીધો હતો.

જ્યારે પિટિશનનો ઉલ્લેખ કરવામાં આવ્યો ત્યારે જસ્ટિસ પટેલ અને જસ્ટિસ કમલ ખાટાની ખંડપીઠે કહ્યું હતું કે તે અરજીની સુનાવણીથી પોતાને દૂર કરી રહી છે. અરજદારના વકીલને તેમના દ્વારા મોકલવામાં આવેલા ઈમેલ વિશે પણ માહિતી આપવામાં આવી હતી. એડવોકેટ કંચન પમનાનીએ આને માટે માફી માગી અને કહ્યું કે તેમને ઈમેલની જાણ નથી.

ફરિયાદીએ મેઈલ કર્યો હતો

તેણે કોર્ટને અરજી પર સુનાવણી કરવા વિનંતી કરી હતી. મહત્વપૂર્ણ છે કે કેટલાક વિકલાંગ વ્યક્તિઓ દ્વારા દાખલ કરવામાં આવેલી અરજીમાં કેન્દ્રીય કોર્પોરેટ બાબતોના મંત્રાલયને તેની વેબસાઇટને દૃષ્ટિહીન લોકો માટે અનુકૂળ બનાવવા માટે નિર્દેશ આપવા વિનંતી કરવામાં આવી છે. એક અરજદારે જસ્ટિસ પટેલને મોકલેલા ઈમેલમાં હાઈકોર્ટને આ મુદ્દા પર ધ્યાન આપવા વિનંતી કરી હતી અને કહ્યું હતું કે બે વર્ષથી અરજીની સુનાવણી થઈ નથી. આનાથી ગુસ્સે થઈને જસ્ટિસ પટેલે કહ્યું કે આવી રીતે અંગત ઈમેલ જજોને મોકલવા જોઈએ નહીં.

હાઇકોર્ટનો અભિપ્રાય

જસ્ટિસ પટેલે કહ્યું કે કેસ ગમે તેટલા સમયથી પેન્ડિંગ હોય, કોઈ વ્યક્તિ જજોને આવા અંગત ઈમેલ મોકલી શકે નહીં. કોર્ટે અરજીને અન્ય કોઈ બેન્ચને મોકલવાનો નિર્દેશ આપ્યો હતો. જસ્ટિસ પટેલે કહ્યું કે હું આ વિષય પર ક્યારેય સાંભળીશ નહીં. કલ્પના કરો કે જો હું કેસ સાંભળું અને વધુ અનુકૂળ આદેશ આપું, તો તમને અનુકૂળ આદેશ માટે ન્યાયાધીશને ખાનગી ઈ-મેલ મોકલીને સંદેશ મોકલવામાં આવશે.