થાણે: ડેવલપર પાસે પચીસ લાખ રૂપિયાની લાંચ માગવા બદલ ધરપકડ કરાયેલા થાણે પાલિકાના ડેપ્યુટી કમિશનર શંકર પાટોળે તથા અન્ય બે જણની જામીન અરજી કોર્ટે શુક્રવારે ફગાવી દીધી હતી.
એડિશનલ સેશન્સ જજ એસ.એસ. શિંદેએ સરકારી વકીલ, એન્ટિ કરપ્શન બ્યૂરો (એસીબી)ના અધિકારી અને અરજદારના વકીલ દ્વારા કરાયેલી દલીલો સાંભળ્યા બાદ તારણ કાઢ્યું હતું કે આ તબક્કે ત્રણેયને જામીન આપી નહીં શકાય.
આપણ વાંચો: હાઉસિંગ સોસાયટીના પ્રકરણમાં લાંચ માગવા બદલ સિડકોના ત્રણ કર્મચારીની ધરપકડ
એસીબીના અધિકારીઓએ 1 ઑક્ટોબરના રોજ થાણે પાલિકા મુખ્યાલયમાં કાર્યવાહી કરી હતી અને પાટોળે તથા ડેટા ઓપરેટર ઓમકાર ગાયકરની ધરપકડ કરી હતી.
ડેવલપર અભિજીત કદમે મુંબઈ એસીબીમાં ફરિયાદ નોંધાવી હતી કે થાણે પાલિકાના અધિકારી (પાટોળે)એ થાણેમાં તેના પરિસરમાં અતિક્રમણો હટાવવા માટે પચાસ લાખ રૂપિયાની લાંચ માગી હતી. કદમે દાવો કર્યો હતો કે તેણે અગાઉ સુશાંત સુર્વે મારફત 10 લાખ રૂપિયા ચૂકવી દીધા હતા. સુર્વેએ 3 ઑક્ટોબરે એસીબી સમક્ષ આત્મસમર્પણ કર્યું હતું. (પીટીઆઇ)
