(અમારા પ્રતિનિધિ તરફથી)
મુંબઈ: દિવાળી પહેલા ગુરુવાર, 16 ઓક્ટોબરે મુંબઈ અને આસપાસના વિસ્તારો જેમ કે થાણે અને રાયગઢ સહિતના વિસ્તારોમાં ગાજવીજ સાથે વરસાદ પડ્યો હતો, જેને કારણે ઓક્ટોબર હીટમાંથી લોકોને રાહત મળી હતી.
ભારતીય હવામાન વિભાગ (આઈએમડી)એ તેની આગાહીમાં આજે (શુક્રવારે) અને આવતીકાલે (શનિવારે) અનેક પ્રદેશોમાં વાવાઝોડા માટે ‘યલો’ અલર્ટ જારી કરી છે. ‘કેટલાક સ્થળોએ વાવાઝોડા સાથે વીજળી, હળવોથી મધ્યમ વરસાદ અને જોરદાર પવન (30/40 કિલોમીટર),જોવા મળશે,’ એમ હવામાન એજન્સીએ જણાવ્યું હતું.
આપણ વાંચો: બેવડી ઋતુ: ઠંડી-ગરમી વચ્ચે અકળામણ! પણ આ જિલ્લાઓમાં ગાજવીજ સાથે વરસાદના સંકેત!
ક્યા જિલ્લાને યલો અલર્ટ?
થાણે, રાયગઢ, રત્નાગિરી, ધૂળે, જળગાંવ, નાશિક, અહિલ્યાનગર, પુણેના ઘાટ, સાતારા, સાતારાના ઘાટ, છત્રપતિ સંભાજીનગર અને બીડ
આઈએમડીએ આગામી થોડા દિવસોમાં રાયગઢ, રત્નાગિરિ, નાશિક, નાસિકના ઘાટ, અહિલ્યાનગર, પુણે, પુણેના ઘાટ, કોલ્હાપુર, કોલ્હાપુરના ઘાટ, સાતારા અને સાતારાના ઘાટ પર ભારે વરસાદની આગાહી કરી છે.
આપણ વાંચો: નોરતા પર મેઘાનું ‘ગ્રહણ’ આજથી ગુજરાતના અનેક જિલ્લામાં ગાજવીજ સાથે વરસાદની આગાહી
મુંબઈ માટે શું આગાહી?
આઈએમડીએ ગુરુવારે મુંબઈમાં વાવાઝોડા અને/અથવા હળવાથી મધ્યમ વરસાદની આગાહી કરી હતી. જોકે, હવામાન એજન્સીએ 20 ઓક્ટોબર, દિવાળી સુધી મુંબઈ શહેરમાં શુષ્ક દિવસોની આગાહી કરી છે.
નૈઋત્યનું ચોમાસું પાછું ખેંચાયું
આઈએમડીએ જણાવ્યું હતું કે, 15 ઓક્ટોબરની સામાન્ય તારીખ પછી ગુરુવારે, નૈઋત્ય ચોમાસું સમગ્ર દેશમાંથી પાછું ખેંચાયું હતું. આઈએમડીએ જણાવ્યું હતું કે, ઈશાન ચોમાસું તમિલનાડુ, પુડુચેરી અને કરાઈકલ, દરિયાકાંઠાના આંધ્રપ્રદેશ, રાયલસીમા, કર્ણાટકના દક્ષિણ આંતરિક ભાગો અને કેરળમાં પ્રવેશ્યું છે.
આપણ વાંચો: આજે રાજ્યમાં ‘વરાપ’નો માહોલ; આવતીકાલે ઉત્તર, મધ્ય અને દક્ષિણ ગુજરાતમાં ગાજવીજ સાથે વરસાદની આગાહી…
આ વર્ષે, ચોમાસુ 24 મેના રોજ કેરળ પહોંચ્યું હતું, જે 2009 પછી ભારતીય મુખ્ય ભૂમિ પર તેની સૌથી વહેલી શરૂઆત હતી, જ્યારે તે 23મેના રોજ પહોંચ્યું હતું. તેણે 8 જુલાઈની સામાન્ય તારીખથી નવ દિવસ પહેલા સમગ્ર દેશને આવરી લીધો હતો. 2020 પછી આ સૌથી પહેલું ચોમાસુ હતું જેણે 26 જૂન સુધીમાં આખા દેશને આવરી લીધું હતું.
પ્રાથમિક વરસાદ પાડતી સિસ્ટમ સામાન્ય રીતે 1 જૂન સુધીમાં કેરળમાં તેની શરૂઆત કરે છે અને 8 જુલાઈ સુધીમાં સમગ્ર દેશને આવરી લે છે. તે 17 સપ્ટેમ્બરની આસપાસ વાયવ્ય ભારતમાંથી પીછેહઠ કરવાનું શરૂ કરે છે અને 15 ઓક્ટોબર સુધીમાં સંપૂર્ણપણે પીછેહઠ કરે છે.
દિવાળી પહેલા વરસાદ: મુસાફરોની મુશ્કેલીમાં વધારો
કમોસમી વરસાદથી મુંબઈગરાને ભેજવાળા હવામાનમાંથી રાહત મળી, તેમ છતાં, થાણે, અંધેરી, બાંદ્રા અને દક્ષિણ મુંબઈમાં નાગરિકોને ભારે ટ્રાફિક જામનો સામનો કરવો પડ્યો હતો. 16 ઓક્ટોબરના રોજ મુંબઈવાસીઓના હવામાનમાં પલટો જોવા મળ્યો કારણ કે દિવાળી પહેલા શહેરના ઘણા ભાગોમાં વરસાદ, વાવાઝોડા અને વીજળીના કડાકા સાથે વરસાદ પડ્યો.
જોકે કમોસમી વરસાદથી ભેજવાળા હવામાનમાંથી રાહત મળી, તેમ છતાં, થાણે, અંધેરી, બાંદ્રા અને દક્ષિણ મુંબઈમાં નાગરિકોને ભારે ટ્રાફિક જામનો સામનો કરવો પડ્યો.
શહેરના ઘણા રસ્તાઓ પર ટ્રાફિક જામનો સામનો કરવો પડ્યો. યુઝર્સે પણ સોશિયલ મીડિયા પર આ માહિતી શેર કરી. એક યુઝરે કહ્યું કે, ગોરેગાંવ દિંડોશી, કોટક ઇન્ફિનિટીથી ઓબેરોય સુધીનો રસ્તો સંપૂર્ણપણે ભરેલો છે.
બીજા યુઝરે દક્ષિણ મુંબઈથી અપડેટ શેર કર્યું જ્યાં તેમણે કહ્યું કે જેજે ફ્લાયઓવર પર ભારે ટ્રાફિક જામ જોવા મળી રહ્યો છે, જે એક કિલોમીટરથી વધુ ફેલાયેલો છે.
