આમચી મુંબઈમહારાષ્ટ્ર

પીએમ મોદી ગુરુવારે મુંબઈ આવશે, નવી મુંબઈની સભા માટે 4,000 પોલીસ ખડેપગે રહેશે

મુંબઈ: દેશના સૌથી લાંબા દરિયાઈ પુલ મુંબઈ ટ્રાન્સ હાર્બર લિંક (એમટીએચએલ) સહિત અન્ય મહત્ત્વાકાંક્ષી પ્રકલ્પનું ઉદ્ઘાટન વડા પ્રધાન નરેન્દ્ર મોદીના હસ્તે કરવામાં આવશે. આ પ્રોજેક્ટ સિવાય નવી મુંબઈ ઇન્ટરનેશનલ એરપોર્ટના પ્રોજેક્ટ સ્થળે ભવ્ય મંડપમાં દેશના વડા પ્રધાન નરેન્દ્ર મોદી ૧૨ જાન્યુઆરીએ ગુરુવારે લગભગ પાંચ લાખથી વધુ મહિલાઓને સંબોધિત કરશે. નવી મુંબઈના કાર્યક્રમમાં વડા પ્રધાન મોદીના હસ્તે વિવિધ સરકારી પ્રોજેક્ટ્સનો ઉદ્ઘાટન સમારોહ યોજાનાર હોવાથી નવી મુંબઈ પોલીસનો કડક બંદોબસ્ત ગોઠવવામાં આવશે.

નવી મુંબઈના પોલીસ કમિશનરે દેશના વડા પ્રધાન દ્વારા હાજરી આપતા સમારોહના સફળ અને સલામત સંચાલન માટે ૪,૦૦૦થી વધુ પોલીસ કર્મચારીઓને તહેનાત કરવાની યોજના બનાવી છે, જેમાં મોટી સંખ્યામાં મહિલા પોલીસકર્મીઓ સામેલ થશે.

ઉલ્વેમાં ઇન્ટરનેશનલ એરપોર્ટ પ્રોજેક્ટના મેદાનમાં ભવ્ય પેવેલિયનમાં ૧૨ જાન્યુઆરીથી યોજાનારી ઇવેન્ટ માટે અગાઉથી વ્યવસ્થા કરવામાં આવે તેવી શક્યતા છે. નવી મુંબઈ અને પનવેલમાં છેલ્લા બે દિવસથી સમય મર્યાદા તોડીને ચાલતા લેડીઝ સર્વિસ બાર પર પોલીસે કાર્યવાહી હાથ ધરી છે.

ઇન્ટરનેશનલ એરપોર્ટ પ્રોજેક્ટના સ્થળે સાડા છ લાખ ચોરસ ફૂટનો ભવ્ય મંડપ ઊભો કરવામાં આવ્યો છે અને મંડપમાં પ્રવેશવા માટે ચાર અલગ-અલગ પ્રવેશદ્વાર છે. પ્રવેશદ્વાર પર ચુસ્ત પોલીસ બંદોબસ્ત રહેશે.

સામાન્ય નાગરિકો અને મહાનુભાવો માટે પેવેલિયન સુધી પહોંચવા માટે અલગ ગેટ છે. ૧૨૦૦ બસોની ક્ષમતા ધરાવતા પાર્કિંગ પર પોલીસ ચાંપતી નજર રાખશે. કાર્યક્રમમાં આવનાર દરેક વ્યક્તિને મેટલ ડિટેક્ટર દ્વારા તપાસ બાદ જ પેવેલિયનમાં પ્રવેશ આપવામાં આવશે.

Show More

Related Articles

Leave a Reply

Your email address will not be published. Required fields are marked *

Back to top button
આ અભિનેત્રીઓએ પણ લગ્ન માટે સ્વીકાર્યો છે મુસ્લિમ ધર્મ શું આ ડ્રાયફ્રૂટ ખાવાથી વધે છે કોલેસ્ટ્રોલ? ચાલો જાણીએ હકીકત… દહીં સાથે ક્યારેય નહી ખાવી જોઇએ આ ચીજ, સ્વાસ્થ્યને થાય છે નુક્સાન તમારા Mobilephoneમાં પણ દેખાય છે આ સાઈન તો સાવધાન…