મુંબઈ: મહિલાઓ માટે રોજગારની તકો ઉપલબ્ધ કરવા મહિલા અને બાળ વિકાસ મંત્રી અદિતિ તટકરેએ મંગળવારે જાહેરાત કરી કે સુરક્ષિત મુસાફરી માટે રાજ્યના મહત્વના શહેરોમાં ‘પિંક રિક્ષા’ યોજના ટૂંક સમયમાં શરૂ કરવામાં આવશે.
મહિલા અને બાળ વિકાસ વિભાગની યોજનાઓની સમીક્ષા કરવા માટે યોજાયેલી બેઠકમાં અદિતિ તટકરે જણાવ્યુ કે, આ યોજનાને પ્રાયોગિક ધોરણે મુંબઈ, નવી મુંબઈ, પનવેલ, છત્રપતિ સંભાજી નગર, નાસિક, પુણે, પિંપરી ચિંચવાડ, નાગપુર અને થાણેમાં શરૂ કરવાની યોજના છે.
અદિતિ તટકરેએ સૂચવ્યું હતું કે મહિલાઓને સેનેટરી પેડ્સ આપવા માટે સરકારના તમામ વિભાગો સાથે સંકલન કરીને જરૂરિયાતમંદ લાભાર્થીઓની પસંદગીના માપદંડોને ચકાસીને રાજ્યમાં પણ આ યોજનાનો સફળતાપૂર્વક અમલ થવો જોઈએ.
