‘મુખ્યમંત્રી માઝી શાળા સુંદર શાળા’ સ્પર્ધાત્મક ઝુંબેશના અમલ માટેની કાર્યવાહી શરૂ થઈ ગઈ: શાળા શિક્ષણ વિભાગ

(અમારા પ્રતિનિધિ તરફથી)
મુંબઈ: ‘મુખ્યમંત્રી માઝી શાળા સુંદર શાળા’ સ્પર્ધાત્મક ઝુંબેશને બે વર્ષમાં ખૂબ જ સારો પ્રતિસાદ મળ્યો છે. 2025-26માં આ ઝુંબેશના અમલ માટે રૂ. 86.73 કરોડની બજેટ જોગવાઈ કરવામાં આવી છે એવી માહિતી આપતાં શાળા શિક્ષણ વિભાગે જણાવ્યું હતું કે સુધારેલા માપદંડો અને નવી પહેલ સાથે આ ઝુંબેશના ત્રીજા તબક્કાના અમલ માટે સરકારી સ્તરે કાર્યવાહી ચાલી રહી છે.

વર્ષ 2025-26 માટે ‘મુખ્યમંત્રી માઝી શાળા સુંદર શાળા’ ઝુંબેશના અમલ દરમિયાન, આ ઝુંબેશના માપદંડોમાં સુધારો કરવામાં આવશે.

શાળા શિક્ષણ અને રમતગમત વિભાગના 30 નવેમ્બર 2023ના રોજના સરકારના નિર્ણય મુજબ 2023-24માં ભારત રત્ન ડો. બાબાસાહેબ આંબેડકર આદર્શ શાળા યોજના હેઠળ, 1 જાન્યુઆરી 2024થી 15 ફેબ્રુઆરી 2024 સુધી રાજ્યના તમામ માધ્યમો અને તમામ મેનેજમેન્ટની શાળાઓ માટે સ્પર્ધાત્મક અભિયાન ‘મુખ્યમંત્રી માઝી શાળા સુંદર શાળા’ અમલમાં મૂકવામાં આવ્યું હતું.

આપણ વાંચો: વિદ્યાર્થીઓ અડધી રાત સુધી જાગે છે, ઊંઘનું ગણીત જાણીને શાળાનો સમય નક્કી કરો: રાજ્યપાલની સૂચના

વિદ્યાર્થીઓ અને શિક્ષકોની સાથે, ભૂતપૂર્વ વિદ્યાર્થીઓ, વાલીઓ અને શિક્ષણપ્રેમી નાગરિકોએ આ અભિયાનને ઉત્સાહપૂર્વક પ્રતિસાદ આપ્યો હતો. 95 ટકા શાળાઓના લગભગ બે કરોડ વિદ્યાર્થીઓએ આ અભિયાન હેઠળ વિવિધ પ્રવૃત્તિઓમાં ભાગ લીધો હતો. આ અભિયાનની કેટલીક પ્રવૃત્તિઓ ગિનીસ બુક ઓફ વર્લ્ડ રેકોર્ડમાં પણ નોંધાઈ છે.

2024-25માં પણ 26 જુલાઈ 2024ના સરકારી નિર્ણય મુજબ કેટલીક નવી પહેલ સાથે 29 જુલાઈ 2024થી 15 સપ્ટેમ્બર 2024 દરમિયાન ‘મુખ્યમંત્રી માઝી શાળા સુંદર શાળા’ ફેઝ-2 સ્પર્ધાત્મક ઝુંબેશ અમલમાં મૂકવામાં આવી હતી. 18 નવેમ્બર 2024 અને 9 જાન્યુઆરી 2025ના સરકારી નિર્ણયો અનુસાર, 73.82 કરોડ રૂપિયાની ઇનામ રકમનું વિતરણ કરવામાં આવ્યું છે. આ ઝુંબેશને 2023-24ની જેમ જ જોરદાર પ્રતિસાદ મળ્યો હતો.

હવે, 2025-26 વર્ષ માટે, ‘મુખ્યમંત્રી માઝી શાળા સુંદર શાળા’ સ્પર્ધાત્મક ઝુંબેશના અમલ સંદર્ભે સરકારી સ્તરે કાર્યવાહી ચાલી રહી છે અને શાળા શિક્ષણ વિભાગ દ્વારા જાણ કરવામાં આવી છે કે આ ઝુંબેશ રાજ્યભરમાં નવી પહેલ સાથે અમલમાં મૂકવામાં આવશે.