OBCની મહાસભામાં 4 મહત્વના નિર્ણયો લેવાયા, ભુજબળનો દાવો
(અમારા પ્રતિનિધિ તરફથી)
મુંબઈ: OBC અનામતના રક્ષણ માટે મુખ્યપ્રધાન એકનાથ શિંદે, નાયબ મુખ્યપ્રધાનો દેવેન્દ્ર ફડણવીસ અને અજિત પવાર સાથે બેઠક યોજાઈ હતી. આ બેઠકમાં OBC નેતા પ્રકાશ શેંડગે અને પ્રધાન છગન ભુજબળે આક્રમક વલણ અપનાવ્યું હતું. એકનાથ શિંદે અને બંને નાયબ મુખ્યપ્રધાને OBC નેતાઓની વાત સાંભળી. આ બેઠકમાં ચાર મોટા નિર્ણયો લેવામાં આવ્યા હોવાનો દાવો આ બેઠક બાદ છગન ભુજબળે કર્યો હતો.
આધાર કાર્ડ સાથે જાતિ પ્રમાણપત્ર જોડવાનો પ્રથમ નિર્ણય શિંદેએ લીધો હતો. બીજો નિર્ણય મરાઠા આરક્ષણ અંગે નિર્ણય લેવા માટે અમે આગામી ચોમાસુ સત્રમાં સર્વપક્ષી બેઠક બોલાવવાનો લેવાયો હતો. ત્રીજો નિર્ણય એ હતો કે સાતથી આઠ મંત્રીઓનું એક પ્રતિનિધિમંડળ OBC નેતાઓ લક્ષ્મણ હાકે અને નવનાથ વાઘમારેના ભૂખ હડતાળના સ્થળ પર જશે અને તેમને ભૂખ હડતાળ પાછી ખેંચી લેવા વિનંતી કરશે. ઉપરાંત, OBC માટે એક પેટા સમિતિની રચના કરવાનો નિર્ણય કર્યો, એટલે કે ચોથો નિર્ણય મરાઠા સમુદાય માટે પેટા સમિતિનો છે.
શું કહ્યું છગન ભુજબળે?
આ ચર્ચામાં આખરે નિર્ણય લેવામાં આવ્યો, મુખ્યપ્રધાને કહ્યું હતું કે નકલી પ્રમાણપત્રો કોઈને આપવામાં આવશે નહીં. નકલી પ્રમાણપત્ર આપવું અને મેળવવું એ ગુનો છે. તે મુજબ કાર્યવાહી કરવામાં આવશે. કેટલાક અલગ-અલગ માધ્યમથી અનામત મેળવવાનો પ્રયાસ કરી રહ્યા છે. જેથી જાતિનું પ્રમાણપત્ર આધાર કાર્ડ સાથે જોડવામાં આવશે. આ એક સારો કોન્સેપ્ટ છે, તેથી કોઈને અલગ-અલગ સ્કીમનો લાભ મળશે નહીં. મરાઠા સમુદાયની જેમ કેબિનેટમાં પણ પેટા સમિતિ છે. તેવી જ રીતે શિંદેએખાતરી આપી હતી કે OBC સમાજ માટે પણ પેટા સમિતિની રચના કરવામાં આવશે. છગન ભુજબળે માહિતી આપી હતી કે તેમને મરાઠા સમુદાય જેટલું જ ફંડ આપવામાં આવશે.
Also Read:
વિધાનસભાના સત્ર દરમિયાન તમામ પક્ષના નેતાઓની બેઠક યોજીને નિર્ણય લેવામાં આવશે. અમે મરાઠા સમુદાય સાથે અન્યાય નહીં કરીએ. તે જ સમયે, અમારું વલણ એ છે કે અમે OBC, વગદાર અને મતાધિકારથી વંચિત સમુદાયોને અન્યાય નહીં કરીએ, એમ પણ છગન ભુજબળે કહ્યું હતું.
