લાડકી બહેનોને સીએમએ આપ્યો ઝાટકો, 1 સપ્ટેમ્બરથી અરજી કરનારાઓને મળશે માત્ર…..
મુંબઇઃ મહારાષ્ટ્ર સરકારની મહત્વાકાંક્ષી અને સૌથી વધુ લોકપ્રિય એવી ‘મુખ્ય પ્રધાન મારી લાડકી બહેન’ યોજના માટે અરજી કરનારી મહિલાઓ માટે સારા સમાચાર છે. સરકારે આ યોજના માટે રજિસ્ટ્રેશન કરાવવાનું કામ સપ્ટેમ્બરમાં પણ ચાલુ રાખવાનું નક્કી કર્યું છે. સરકારે સપ્ટેમ્બર મહિનામાં પણ લાડકી બહેન યોજના હેઠળ તમામ પાત્ર મહિલા લાભાર્થીઓની નોંધણીને મંજૂરી આપી છે, પરંતુ હવે આ અંગે મહત્વનું અપડેટ આવ્યું છે.
સરકારે જણાવ્યું છે કે જે મહિલાઓએ 1 સપ્ટેમ્બરથી રજિસ્ટ્રેશન કરાવ્યું છે તેમને જુલાઈ અને ઑગસ્ટ મહિનાના પૈસા નહીં મળે. મહિલા અને બાળ કલ્યાણ ખાતાના પ્રધાન અદિતિ તટકરેએ માહિતી આપી હતી કે લાભાર્થી મહિલાઓને તે જ મહિનામાં લાભ મળશે જે મહિનામાં નોંધણી થશે.
મહારાષ્ટ્ર સરકારે ચૂંટણીના સમયગાળા દરમિયાન મુખ્ય પ્રધાન માઝી લાડલી બહેન યોજના શરૂ કરી હતી. આ યોજનાને રાજ્યભરની મહિલાઓ તરફથી હકારાત્મક પ્રતિસાદ મળી રહ્યો છે. અત્યાર સુધીમાં મહારાષ્ટ્રની 1 કરોડથી વધુ મહિલાઓએ આ યોજના માટે અરજી કરી છે. રાજ્ય સરકાર દ્વારા ખ્ય પ્રધાન માઝી લાડલી બહેન યોજનાના બે હપ્તા પણ ચૂકવવામાં આવ્યા છે. જો કે, 1 સપ્ટેમ્બરથી નોંધણી કરાવનાર મહિલાઓને અગાઉના બે મહિનાનો લાભ નહીં મળે. 1 સપ્ટેમ્બરથી અરજી કરનાર વહાલી બહેનોને સપ્ટેમ્બરના જ પૈસા મળશે. તેમને જુલાઈ અને ઓગસ્ટ મહિના માટે પૈસા નહીં મળે.
આ યોજના હેઠળ અરજી કરવાની છેલ્લી તારીખ 31 ઓગસ્ટ હતી, પરંતુ હજુ પણ ઘણી મહિલાઓ આ યોજના હેઠળ રોજેરોજ અરજી કરી રહી છે. કેટલાક વિસ્તારોમાં ટેક્નિકલ સમસ્યાઓનો પણ સામનો કરવો પડ્યો હતો. આવી બધી મુશ્કેલીઓને ધ્યાનમાં લઇને રાજ્ય સરકારે આ યોજના માટે અરજી કરવાની સમયમર્યાદા એક મહિનો લંબાવી હોવાનું જાણવા મળ્યું છે.
