મહારાષ્ટ્ર આંતરરાષ્ટ્રીય રોકાણકારો માટે પણ મહત્ત્વપૂર્ણ કેન્દ્ર: મુખ્ય પ્રધાન દેવેન્દ્ર ફડણવીસ

મુંબઈ: મહારાષ્ટ્ર હવે માત્ર ભારતીયો માટે જ નહીં, પરંતુ આંતરરાષ્ટ્રીય રોકાણકારો માટે પણ એક મહત્વપૂર્ણ કેન્દ્ર બની રહ્યું છે અને રાજ્ય ભવિષ્યના ઉદ્યોગ અને નવીનતા માટે તૈયારી કરી રહ્યું છે, એમ મુખ્ય પ્રધાન દેવેન્દ્ર ફડણવીસે ભારપૂર્વક જણાવ્યું હતું.

મુખ્ય પ્રધાન ફડણવીસ બેંક ઓફ અમેરિકા દ્વારા હોટલ તાજ પેલેસ ખાતે આયોજિત ‘2025 ઈન્ડિયા કોન્ફરન્સ: એક્સિલરેટિંગ ગ્રોથ, મહારાષ્ટ્ર વન ટ્રિલિયન’માં બોલી રહ્યા હતા.

આપણ વાંચો: ડોલર સામે આજે રૂપિયો વધુ નબળો પડ્યો, વિદેશી રોકાણકારોની વેચવાલી જવાબદાર

સંરક્ષણ ઉત્પાદનનું કેન્દ્ર

આ પ્રસંગે, મુખ્ય પ્રધાન દેવેન્દ્ર ફડણવીસે કહ્યું હતું કે વડા પ્રધાન નરેન્દ્ર મોદીની ‘મેક ઇન ઇન્ડિયા’ નીતિથી મહારાષ્ટ્રને સૌથી વધુ ફાયદો થયો છે. ઉપરાંત તાજેતરમાં સફળ થયેલા ‘ઓપરેશન સિંદૂર’એ બતાવ્યું છે કે ભારતીય સંરક્ષણ ઉત્પાદન ક્ષમતા કેટલી અદ્યતન બની છે.

ઉત્તર પ્રદેશ અને તમિલનાડુમાં સંરક્ષણ ઉદ્યોગોના ક્લસ્ટર હોવા છતાં, મહારાષ્ટ્ર ભારતમાં સંરક્ષણ ઉત્પાદનનું વાસ્તવિક કેન્દ્ર છે. મહારાષ્ટ્રે આ ક્ષેત્રમાં મોટી છલાંગ લગાવી છે અને રાજ્ય હવે મોટા પાયે સંરક્ષણ ઉત્પાદનનું કેન્દ્ર બની રહ્યું છે.

દેશની ડેટા સેન્ટર ક્ષમતાનો લગભગ 60 ટકા હિસ્સો હવે મહારાષ્ટ્રમાં છે. મુંબઈ પહેલાથી જ દેશની અગ્રણી ફિનટેક રાજધાની બની ગયું છે અને મહારાષ્ટ્ર સ્ટાર્ટઅપ્સ માટે પણ એક મહત્વપૂર્ણ કેન્દ્ર બની ગયું છે.

વૈશ્ર્વિક સ્તરે સર્જાયેલી તકો અંગે ફડણવીસે કહ્યું હતું કે વિશ્ર્વભરના રોકાણકારો હવે એવા સલામત વિકલ્પો શોધી રહ્યા છે જે વૈશ્ર્વિક સપ્લાય ચેઇનમાં મુખ્ય ભૂમિકા ભજવી શકે અને ભારત આ તક માટે શ્રેષ્ઠ સ્થિતિમાં છે. મહારાષ્ટ્ર સરકાર આ તક માટે સંપૂર્ણપણે તૈયાર છે.

આપણ વાંચો: સારી શરૂઆત બાદ શેરબજારે રોકાણકારોને ઝટકો આપ્યો; આ ફૂડ ડીલીવરી કંપનીનો શેર તળિયે બેસી ગયો

16 લાખ કરોડ રૂપિયાથી વધુનું રોકાણ

તેમણે એવો પણ ઉલ્લેખ કર્યો કે મહારાષ્ટ્રે દાવોસ આર્થિક સમિટ દરમિયાન 16 લાખ કરોડ રૂપિયાથી વધુનું રોકાણ આકર્ષ્યું છે. આ રોકાણનો અડધાથી વધુ હિસ્સો ઉત્પાદન ક્ષેત્રમાં છે, જે નોંધપાત્ર છે અને ‘મેક ઇન ઇન્ડિયા’ની સીધી અસર રાજ્યમાં જોવા મળી રહી છે. ઉત્પાદન અને ઔદ્યોગિક વિકાસ રાજ્યની પ્રગતિનો મુખ્ય ભાગ છે અને મહારાષ્ટ્રને ‘મેક ઇન ઇન્ડિયા’ યોજનાથી ઘણો ફાયદો થયો છે.

મહારાષ્ટ્ર રાજ્યના ઝડપી વિકાસને પ્રાથમિકતા આપીને વિવિધ ક્ષેત્રોમાં સફળતાપૂર્વક દોડી રહ્યું છે. મુંબઈના દરિયાકાંઠે મર્યાદિત વિસ્તરણ વિસ્તારને ધ્યાનમાં લેતા, ‘ચોથા મુંબઈ’ની વિભાવના મહત્વપૂર્ણ રહેશે.

22 કિમી લાંબા સમુદ્રી પુલ અટલ સેતુએ મુંબઈ અને નવી મુંબઈ વચ્ચે ઝડપી કનેક્ટિવિટી પૂરી પાડી છે, જેના કારણે આ વિસ્તારનો આંતરિક વિસ્તાર મુંબઈનો વિસ્તરણ માનવામાં આવે છે.

આપણ વાંચો: શેર બજારે રોકાણકારોની ઉતરાયણ બગાડી! બજાર ફરી તૂટ્યું, રૂપિયો પણ ગગડ્યો

આ વિસ્તારમાં નવા આંતરરાષ્ટ્રીય એરપોર્ટનું કામ હાલમાં અંતિમ તબક્કામાં છે અને ઓગસ્ટમાં શરૂ થશે. આ સમગ્ર પટ્ટામાં ત્રણ ગણું મોટું નવું શહેર વિકસાવવાની યોજના છે, જ્યાં વિવિધ થીમ્સ ધરાવતા શહેરો બનાવવામાં આવશે.

આમાં ‘એજ્યુ-સિટી’ (યુનિવર્સિટી સિટી)નો સમાવેશ થશે જેમાં દસ આંતરરાષ્ટ્રીય કક્ષાની યુનિવર્સિટીઓ શામેલ હશે, જ્યાં મોટી સંખ્યામાં વિદ્યાર્થીઓ ઉત્તમ ગુણવત્તાયુક્ત શિક્ષણ ઉપલબ્ધ કરાવશે.

તેમાં ‘સ્પોર્ટ્સ સિટી’, ‘મેડિસિન સિટી’, ‘નોલેજ સિટી’ અને ‘ઇનોવેશન સિટી’ જેવી થીમ્સ પણ શામેલ હશે. ફડણવીસે આ પ્રસંગે જણાવ્યું હતું કે રાજ્યમાં એક અત્યાધુનિક સાયબર સુરક્ષા કેન્દ્ર સ્થાપવાની યોજના છે અને આ કેન્દ્ર દ્વારા વિવિધ પ્રકારના સાયબર ગુનાઓને એકીકૃત રીતે નિયંત્રિત કરવામાં આવશે.

આપણ વાંચો: શૅરબજારમાં સુધારાની ચાલ, હવે રોકાણકારોની નજર ફેડરલ રિઝર્વ પર

વાઢવણ બંદરની આસપાસ નવું શહેર

ફડણવીસે જણાવ્યું હતું કે વાઢવણ બંદરની આસપાસ ‘ચોથું મુંબઈ’નો ખ્યાલ વિકસાવવામાં આવી રહ્યો છે. ભારતનું સૌથી મોટું બંદર અને અહીં એક નવું એરપોર્ટ બનાવવામાં આવશે.

વડા પ્રધાન નરેન્દ્ર મોદીએ એરપોર્ટને મંજૂરી આપી છે અને તેનો વધુ સર્વે ચાલી રહ્યો છે. ઉપરાંત, બુલેટ ટ્રેન અને કોસ્ટલ રોડને વાઢવણ સુધી લંબાવવાની યોજના હોવાથી, આ વિસ્તાર એક મોટું શહેરી કેન્દ્ર બનશે, એમ ફડણવીસે આ પ્રસંગે જણાવ્યું હતું.+

આપણ વાંચો: hindenburg report મુદ્દે રાહુલ ગાંધીના સવાલ “રોકાણકારોની મહેનતની કમાણી ડૂબે તો જવાબદાર કોણ?”

ટિયર-2 અને 3 શહેરોનું ઔદ્યોગિક પરિવર્તન

મુંબઈ, થાણે અને પુણેના પરંપરાગત ઔદ્યોગિક કેન્દ્રોથી આગળ, રાજ્ય સરકારે હવે ટિયર-2 અને 3 શહેરોમાં ઔદ્યોગિક રોકાણની ગતિ વધારી છે. છત્રપતિ સંભાજીનગર હવે ઈવી (ઇલેક્ટ્રિક વાહન) ઉદ્યોગનું કેન્દ્ર બની ગયું છે અને ઘણી મોટી કંપનીઓએ રોકાણ કર્યું છે. આર્થિક વિકાસ માટે અહીં અનુકૂળ વાતાવરણ બનાવવામાં આવી રહ્યું છે.

ગઢચિરોલી દેશના નવા સ્ટીલ હબ તરીકે વિકસાવવામાં આવી રહ્યું છે, જ્યાં 1 લાખ કરોડ રૂપિયાનું રોકાણ આવ્યું છે. નાગપુર, નાસિક અને ધુળે જેવા શહેરોમાં પણ માહિતી ટેકનોલોજી, ઉત્પાદન અને અન્ય ક્ષેત્રોમાં મોટા પાયે રોકાણ જોવા મળી રહ્યું છે.

આ બધા શહેરોમાં માત્ર ઉદ્યોગ પર જ નહીં, પરંતુ ગુણવત્તાયુક્ત માળખાકીય સુવિધાઓ, સ્વચ્છતા, પાણી પુરવઠો, રસ્તાઓ, મનોરંજન સુવિધાઓ પર પણ ભાર મૂકવામાં આવી રહ્યો છે.