મુંબઈઃ ભારતમાં આજકાલ જાતિગત જનગણનાનો મુદ્દો ચર્ચામાં છે ત્યારે તાજેતરમાં રાજ્યના વન વિભાગ દ્વારા વન્યજીવ ગણતરી હાથ ધરવામાં આવી હતી. વન્યજીવ ગણતરીમાં સંજય ગાંધી રાષ્ટ્રીય ઉદ્યાન (SGNP) અને નજીકના વિસ્તારોમાં ઓછામાં ઓછા 54 દીપડાની હાજરીની પુષ્ટિ થઈ છે, જે શહેરી વિકાસ અને વન્યજીવન સંરક્ષણ વચ્ચેના દુર્લભ સંતુલનને દર્શાવે છે.
ફેબ્રુઆરીથી જુન 2024 દરમિયાન થયેલા આ સર્વેમાં SGNP, આરે મિલ્ક કોલોની અને તુંગારેશ્વર વન્યજીવન અભયારણ્યને આવરી લેવા માટે 90 સ્થળોએ સ્થાપિત કેમેરા ટ્રેપનો ઉપયોગ કરવામાં આવ્યો હતો. વીવર્ક ઇન્ડિયાના સહયોગથી વાઇલ્ડલાઇફ કન્ઝર્વેશન સોસાયટી-ઇન્ડિયા અને મહારાષ્ટ્ર વન વિભાગ દ્વારા હાથ ધરવામાં આવેલા આ અભ્યાસમાં 36 માદા અને 16 નર દીપડા, તેમ જ ચાર બચ્ચા ઓળખાયા હતા, જ્યારે બેની ઓળખ થઈ શકી નહોતી.
મહારાષ્ટ્ર વન વિભાગના અધિકારીએ જણાવ્યું હતું કે દીપડાઓની સંખ્યામાં વધારો શહેરના માનવીઓ અને મોટી બિલાડીઓ વચ્ચેના સહઅસ્તિત્વની અસાધારણ વાતની પુષ્ટિ કરે છે.આ કામમાં ૫૦થી વધુ વન વિભાગના કર્મચારી જોડાયા હતા, જેમણે તેમના વન્યજીવન દેખરેખ કૌશલ્યને વધારવા માટે વિશેષ તાલીમ લીધી હતી. આ સહયોગી પહેલ શહેરી લેન્ડસ્કેપ્સમાં પણ જૈવવિવિધતાને જાળવવા માટે વધતી જતી જાગૃતિ અને પ્રયાસોને પ્રતિબિંબિત કરે છે.
આપણ વાંચો : રોજ રાતે દીપડાઓના પરિવાર વચ્ચે ઊંઘે છે આ ફોરેસ્ટ ગાર્ડ, વીડિયો જોઈલો…
