હાઉસિંગ સોસાયટીનો ઉદ્ધારઃ મુંબઈમાં પુનર્વિકાસ દ્વારા થશે 44,000 ઘર ઉપલબ્ધ
મુંબઈઃ મુંબઈમાં 2020થી 910 સહકારી હાઉસિંગ સોસાયટીનો પુનર્વિકાસ શરૂ થયો છે અને તેના દ્વારા 2030 સુધીમાં 1.25 લાખ કરોડ રૂપિયાના 44,277 નવા મકાનો તૈયાર થશે. મુંબઈમાં આશરે 326.8 એકર જમીનના પ્લોટ પરની ઇમારતોનો પુનઃવિકાસ કરવામાં આવનાર છે.
નાઈટ ફ્રેન્કે મુંબઈ પર ‘રિડેવલપમેન્ટ સ્ટોરી’ નામનો એક અહેવાલ પ્રકાશિત કર્યો છે. આ અહેવાલમાં આ માહિતી આપવામાં આવી છે. મુંબઈમાં એક લાખ 60 હજાર સહકારી હાઉસિંગ સોસાયટીઓ છે જેને 30 વર્ષ પૂર્ણ થયા છે. નવા વિકાસ નિયંત્રણ નિયમોની જોગવાઈઓ અનુસાર, આ બધી ઇમારતો 30 વર્ષ જૂની હોવાથી પુનઃવિકાસ માટે પાત્ર છે.
મ્યુનિસિપલ કોર્પોરેશન અથવા સમાન અધિકારી દ્વારા 30 વર્ષથી ઓછી જૂની પરંતુ જોખમી જાહેર કરાયેલી ઇમારતોને પણ પુનર્વિકાસની તક મળે છે. 2020થી જૂન 2025 સુધીમાં, પશ્ચિમ ઉપનગરોમાં 633 અને મધ્ય અને પૂર્વીય ઉપનગરોમાં 234 પુનર્વિકાસ પ્રોજેક્ટ્સ આકાર પામ્યા છે. બોરીવલી, અંધેરી અને બાંદ્રામાં આશરે 139 એકર જમીન પર સહકારી હાઉસિંગ સોસાયટીઓનો પુનર્વિકાસ શરૂ થયો છે.
આ બધા વિસ્તારો મોકાની જગ્યાઓ પર આવેલા છે અને બજાર ભાવ રેડી રેકનર દરો કરતા અનેક ગણા વધારે છે, જે પુનર્વિકાસ પ્રોજેક્ટ્સને વ્યવહારુ બનાવે છે. આ વિસ્તારમાં, ડેવલપરે રહેવાસીઓને 60થી 70 ટકા વધુ વિસ્તાર ઓફર કર્યો છે. જે પ્રોજેક્ટ્સમાં બજાર કિંમત પ્રતિ ચોરસ ફૂટ રૂ. 40,000 થી ઓછી હોય ત્યાં ડેવલપર 30 થી 35 ટકા ચૂકવશે, અને જે વિસ્તારોમાં બજાર કિંમત પ્રતિ ચોરસ ફૂટ રૂ. 40,000 થી 60,000 છે ત્યાં ડેવલપર 35 થી 40 ટકા અને અને જે વિસ્તારોમાં પ્રતિ ચોરસ ફૂટ કિંમત રૂ. 75,000 થી વધુ છે ત્યાં 50 ટકા વધારાનો વિસ્તાર આપવામાં આવી રહ્યો છે.
રિપોર્ટમાં જણાવાયું છે કે આ પુનર્વિકાસમાંથી સરકારને સ્ટેમ્પ ડ્યુટી તરીકે રૂ. 7,830 કરોડ અને વસ્તુ અને સેવા કર તરીકે રૂ. ૬,૫૨૫ કરોડ મળવાની શક્યતા છે. અત્યાર સુધીમાં, 754 સહકારી હાઉસિંગ સોસાયટીઓએ ડેવલપર્સ સાથે વિકાસ અધિકાર કરારો કર્યા છે.
રિપોર્ટમાં એમ પણ જણાવાયું છે કે બાકીની સંસ્થાઓ સાથે ચર્ચા ચાલી રહી છે અને ડેવલપર નક્કી થઈ ગયો છે. કેટલાક પુનર્વિકાસ પ્રોજેક્ટ્સને પૂર્ણ થવામાં આઠથી દસ વર્ષ કેમ લાગ્યા તેનું વિવેચન કરવામાં આવ્યું છે.
મુંબઈમાં ખાલી પ્લોટના અભાવે, જૂની ઇમારતોનો પુનઃવિકાસ કરવા સિવાય કોઈ વિકલ્પ નથી. ઘણા વર્ષોથી અટકેલા પ્રોજેક્ટ્સને કારણે, રહેવાસીઓમાં ભયનું વાતાવરણ છે, પરંતુ સફળ પુનર્વિકાસના પણ ઘણા કિસ્સાઓ છે.
જો સહકારી ગૃહ મંડળીઓ કાર્યક્ષમ પ્રોજેક્ટ મેનેજમેન્ટ કન્સલ્ટન્ટ રાખે અને પ્રોજેક્ટની શક્યતાને ધ્યાનમાં લઈને તેમની માંગણીઓ મર્યાદિત કરે, તો પ્રોજેક્ટ ચોક્કસપણે પૂર્ણ થઈ શકે છે. ડેવલપરને પણ પ્રોજેક્ટ પૂર્ણ કરવામાં રસ હોય છે.
આપણ વાંચો: મુંબઈમાં કબૂતરખાનાનો વિવાદ: હાઈ કોર્ટના આદેશ બાદ BMCએ શરૂ કરી નવા સ્થળોની શોધ
