(અમારા પ્રતિનિધિ તરફથી)
મુંબઈ: ગણેશચતુર્થી નિમિત્તે બુધવાર, ૨૭ ઑગસ્ટ, ૨૦૨૫ના રોજ સાર્વજનિક રજા છે, છતાં ભાયખલામાં આવેલું વીરમાતા જિજાબાઈ ભોસલે ઉદ્યાન અને પ્રાણીબાગ(રાણીબાગ) નાગરિકો માટે ખુલ્લો રહેશે.
તો બીજા દિવસે ગુરુવાર, ૨૮ ઑગસ્ટ, ૨૦૨૫ના રોજ બંધ રહેશે એવું મુંબઈ મહાનગરપાલિકા દ્વારા જાહેર કરવામાં આવ્યું હતું.
ભાયખલા(પૂર્વ)માં આવેલ રાણીબાગ દર અઠવાડિયે બુધવારના બંધ રાખવામાં આવે છે. જોકે પાલિકાએ અગાઉ મંજૂર કરેલા એક પ્રસ્તાવ મુજબ બુધવારે સાર્વજનિક રજા આવે તો તે દિવસે ઉદ્યાન અને પ્રાણીસંગ્રહાલય જનતા માટે ખુલ્લું રાખવું અને બીજા દિવસે બંઘ રાખવું.
આ પ્રસ્તાવ મુજબ બુધવાર, ૨૭ ઑગસ્ટના રાણીબાગ ખુલ્લો રાખવામાં આવશે.
આ પણ વાંચો…Ganesh Chaturthi 2025: જાણો કઈ તારીખે છે ગણેશ ચતુર્થી? આ વખતે કેટલા કલાકનું છે પૂજાનું શુભ મુહૂર્ત?
