‘તુમકો મિર્ચી લગી તો મૈં ક્યા કરું’: મહાયુતિની બિનહરીફ જીત પર ફડણવીસનો વિપક્ષ પર કટાક્ષ…
ધુળે: મહારાષ્ટ્રના મુખ્ય પ્રધાન દેવેન્દ્ર ફડણવીસે મંગળવારે રાજ્યમાં આગામી નગરપાલિકા ચૂંટણીમાં 68 ઠેકાણે મળેલા બિનહરીફ વિજય અંગે શાસક મહાયુતિને નિશાન બનાવવા બદલ વિપક્ષી દળો પર કટાક્ષ કર્યો હતો અને પૂછ્યું હતું કે જો તેમને ચટકો લાગ્યો હોય એમાં પોતે શું કરી શકે?
‘તુમકો મિર્ચી લગી તો મૈં ક્યા કરું (જો તમને મરચા લાગ્યા અને નારાજ થઈ જાઓ તો હું શું કરી શકું)?’ એવું કહી ઉત્તર મહારાષ્ટ્રના ધુળેમાં એક સભાને સંબોધિત કરતી વખતે મુખ્ય પ્રધાનએ વિરોધીઓને નિશાન બનાવ્યા હતા.
મુખ્ય પ્રધાને ધુળેમાં ભાજપના ચાર નગરસેવકોને બિનહરીફ ચૂંટવા બદલ મતદારોનો આભાર માની જણાવ્યું હતું કે ‘અમે પૂરા દિલથી સમર્થન સ્વીકારીએ છીએ. અત્યાર સુધીમાં 35 લોકસભા સંસદ સભ્યો બિનહરીફ ચૂંટાયા છે, જેમાંથી 33 કોંગ્રેસના શાસન દરમિયાન ચૂંટાયા છે.’ આ મુદ્દે વિપક્ષની ટીકા પર સવાલ ઉઠાવતા ફડણવીસે કહ્યું કે, જો તમારા કાર્યકાળમાં બિનહરીફ ચૂંટણી થાય છે તો લોકતંત્રને ખતરો નથી અને જો અમારા શાસનમાં થાય છે તો લોકશાહી જોખમમાં મુકાઈ જાય છે.’
મહાયુતિના ઉમેદવારોની બિનહરીફ જીતનો મુદ્દો સોમવારે બોમ્બે હાઈ કોર્ટમાં આવ્યો હતો, જેમાં મહારાષ્ટ્ર નવનિર્માણ સેના (એમએનએસ) ના એક નેતાએ 68 બેઠકો પર પરિણામો જાહેર કરવા પર રોક લગાવવાની અને બળજબરીથી સામૂહિક પીછેહઠની અદાલત દ્વારા દેખરેખ હેઠળની તપાસની વિનંતી કરી હતી.
શિવસેના (યુબીટી) પ્રમુખ ઉદ્ધવ ઠાકરેએ રાજ્ય ચૂંટણી પંચને આ 68 સિવિક વોર્ડના પરિણામો રદ કરવા વિનંતી કરી હતી પ્રદેશ કોંગ્રેસ પ્રમુખ હર્ષવર્ધન સપકાળે પણ શાસક ગઠબંધન પર પ્રહાર કરતા કહ્યું છે કે ભાજપના નેતૃત્વવાળા મહાયુતીની સત્તા માટેની લાલચ લોકશાહીને ગળી જવાની હદે પહોંચી ગઈ છે.
(પીટીઆઈ)
આ પણ વાંચો…અજિત પવારે ક્યારેય સાવરકરનો વિરોધ નથી કર્યો: ફડણવીસે બચાવ કર્યો કે…
