એકનાથ શિંદેને હસ્તે મંત્રાલયમાં ‘મુખ્યમંત્રી વોર રૂમ’નું ઉદ્ઘાટન

(અમારા પ્રતિનિધિ તરફથી)
મુંબઈ: મંત્રાલયના સાતમા માળે રિનોવેટ કરાયેલા ‘મુખ્યમંત્રી વોર રૂમ’ અને મ્યુરલ (મ્યુરલ)નું મુખ્ય પ્રધાન એકનાથ શિંદે દ્વારા રિમોટ કી દબાવીને સોમવારે ઉદ્ઘાટન કરવામાં આવ્યું હતું.

ઉદ્ઘાટન બાદ મુખ્ય પ્રધાન એકનાથ શિંદેએ વોર રૂમમાં હાજર સુવિધાઓ વિશે માહિતી મેળવી હતી. મુખ્ય પ્રધાને રાજ્યમાં પ્રોજેકટના નિયંત્રણ માટે વિકસાવવામાં આવેલ ડેશબોર્ડ, પ્રોજેકટની ફાઈલની વર્તમાન સ્થિતિ, જે વિભાગ પાસે તે પેન્ડીંગ છે, તે વિભાગને સૂચના વગેરેની પણ માહિતી લીધી હતી. આ તમામ પદ્ધતિઓ પ્રોજેક્ટને ઝડપી બનાવશે અને નિર્ધારિત સમયમાં પ્રોજેક્ટ પૂર્ણ કરવામાં મદદ કરશે.

‘મુખ્યમંત્રી વોર રૂમ’ રાજ્યમાં ઈન્ફ્રાસ્ટ્રક્ચર પ્રોજેક્ટ્સ પર સતત નજર રાખી રહ્યું છે. નવો વોર રૂમ ખૂબ જ વિશાળ અને આધુનિક ટેકનોલોજીથી સજ્જ છે.

વોર રૂમની વિશેષતાઓ:-

• રાજ્યના 15 ક્ષેત્રોમાં વિવિધ 74 પ્રોજેક્ટના વિવિધ તબક્કે કામની સમીક્ષા.
• અમલીકરણ મિકેનિઝમ્સ વચ્ચે સંકલન, પ્રોજેક્ટ પૂર્ણ કરવા માટે ભંડોળની પદ્ધતિઓ.
• એક્ઝિક્યુટિવ, સેક્ટરલ અને પ્રોજેક્ટ ડેશબોર્ડની રચના, આ ડેશબોર્ડ્સ દ્વારા પ્રોજેક્ટના દરેક ક્ષેત્રમાં કામનું મૂલ્યાંકન.
• પ્રોજેક્ટને ઝડપી બનાવવા પ્રોજેક્ટમાં સમસ્યાઓના નિરાકરણ માટે સંબંધિત વિભાગને સૂચના અને ચેતવણી આપવાની સુવિધા.
• પ્રોજેક્ટમાં સમસ્યાઓ દૂર કરવા માટે ‘રીઅલ ટાઇમ મોનિટરિંગ’ સિસ્ટમ.
• પ્રોજેક્ટની પ્રગતિમાં અવરોધરૂપ સમસ્યાઓના નિરાકરણ માટે વિભાગો વચ્ચે અસરકારક સંકલન અને ટ્રેકિંગ મિકેનિઝમનો વિકાસ.
  *હાલમાં લગભગ 70 ઈન્ફ્રાસ્ટ્રક્ચર પ્રોજેક્ટ્સ ડેશબોર્ડ પર છે. જેની કુલ કિંમત લગભગ 4 લાખ કરોડ રૂપિયા છે અને આ પ્રોજેક્ટ 15 સેક્ટરમાં છે.
  *મુખ્ય પ્રધાન વોર રૂમને અત્યાર સુધીમાં વિવિધ પ્રોજેક્ટ સંબંધિત 350 જેટલા મુદ્દાઓ પ્રાપ્ત થયા છે. તેમાંથી 165 પ્રશ્ર્નોનું નિરાકરણ કરવામાં આવ્યું છે.
  *પ્રોજેક્ટને ઝડપે પૂર્ણ કરવા માટે 200 થી વધુ બેઠકોનું આયોજન કરવામાં આવ્યું છે.