નવી મુંબઈમાં ‘ડોગી’નો ટેરર: રોજના 44 લોકો ભોગ બને છે કરડવાનો
નવી મુંબઈઃ છેલ્લા એક વર્ષમાં નવી મુંબઈ શહેરમાં કૂતરા કરડવાના કેસોમાં ચિંતાજનક વધારો જોવા મળ્યો છે અને રાતના સમયે ઘણા રાહદારીઓ પર આક્રમણ કરે છે. કેટલાક વિસ્તારોમાં ટુ-વ્હીલર ચાલકની સાથે સ્થાનિક રાહદારીઓ માટે ચિંતાનો વિષય બની ગયો છે.
નવી મુંબઈ મ્યુનિસિપલ કોર્પોરેશન અનુસાર શહેરમાં ૨૦૨૨-૨૦૨૩માં ૧૨,૬૫૬ની સામે ૨૦૨૩-૨૦૨૪માં લગભગ ૧૬,૦૦૦ કૂતરા કરડવાના કેસ નોંધાયા હતા. શહેરમાં રોજના સરેરાશ ૪૪ રહેવાસીને કરડવામાં આવે છે.
એનએમએમસી પાસે એનિમલ બર્થ કંટ્રોલ (ડોગ્સ) રૂલ્સ, ૨૦૦૧ હેઠળ ચલાવવામાં આવતા શ્વાન નિયંત્રણ કાર્યક્રમ છે. આ કાર્યક્રમમાં રખડતા કૂતરાઓને પકડવા તેમની નસબંધી કરવી, તેમને ચિહ્નિત કરવા, હડકવા વિરોધી રસી આપવાનો અને પછી તેમને તેમના વિસ્તારોમાં પાછા છોડવાનો સમાવેશ થાય છે. ડોગ કંટ્રોલ સેન્ટર ૨૦૦૬થી ‘ઈન ડિફેન્સ ઓફ એનિમલ્સ’ દ્વારા ચલાવવામાં આવે છે.
શ્વાનની ગણતરી ૨૦૧૨ માં કરવામાં આવી હતી અને શહેરમાં ૨૯,૮૬૪ રખડતા કૂતરા અને ૩,૧૧૦ પાલતુ કૂતરા જાહેર કરવામાં આવ્યા હતા. ડૉક્ટર પ્રશાંત જાવડે , નવી મુંબઈ મ્યુનિસિપલ કોર્પોરેશનના તબીબી અધિકારીએ જણાવ્યા અનુસાર તેમની પાસે ખૂબ જ કાર્યક્ષમ કૂતરા નિયંત્રણ કાર્યક્રમ છે.
લગભગ ૮૦ ટકા શ્વાનની નસબંધી કરવામાં આવી છે. પકડાયેલા તમામ શ્વાનને વંધ્યીકૃત કરવામાં આવે છે અને હડકવા સામે રસી આપવામાં આવે છે. તેમણે માહિતી આપી હતી કે, ગયા વર્ષે ૧,૩૪૫ કૂતરાઓની નસબંધી કરવામાં આવી હતી અને ૭,૧૫૬ રસી આપવામાં આવી હતી. છેલ્લા આઠ વર્ષમાં ૧૮,૭૬૫ કૂતરાઓની નસબંધી કરવામાં આવી હતી જ્યારે ૫૮,૨૫૮ ને રસી આપવામાં આવી હતી. પરંતુ લોકો આનાથી સંતુષ્ટ નથી.
કોપર ખેરાનના સેક્ટર ૧૧ના રહેવાસી રાહુલ કદમે જણાવ્યું હતું કે કુતરાઓની નસબંધી કરવાથી તેઓ અમને કરડતા અટકતા નથી. રખડતા કૂતરાઓની વસ્તી ઘટાડવાની જરૂર છે. બીજી તરફ પશુ અધિકાર કાર્યકર્તાઓ રહેવાસીઓને દોષી ઠેરવે છે.
અમારી પાસે રખડતા કૂતરાઓ પર કેવી રીતે હુમલો કરવામાં આવ્યો છે અને રહેવાસીઓ દ્વારા ઝેર આપવામાં આવ્યું છે તેનો ડેટા છે. દાસે એમ પણ કહ્યું કે સુપ્રીમ કોર્ટના નિર્દેશ મુજબ, રખડતા કૂતરાઓ જે વિસ્તારમાં રહે છે ત્યાંથી તેમને ખસેડી શકાય નહીં. તેમને પણ તેમના અધિકારો છે. આપણે તેમની સાથે શાંતિથી સહઅસ્તિત્વની જરૂર છે.
