મુખ્યમંત્રી Eknath Shindeની તબિયત બગડી; તમામ કાર્યક્રમો રદ કરવામાં આવ્યા
મુખ્યમંત્રી એકનાથ શિંદેની તબિયત અચાનક બગડવાના કારણે આજના તમામ કાર્યક્રમો રદ્દ કરવામાં આવ્યા છે. લાડકી બહેન યોજનાના પ્રચાર માટે આજે સોલાપુર પ્રવાસ અને રાજ્ય કેબિનેટની બેઠક રદ કરવામાં આવી છે.
મુખ્યમંત્રી એકનાથ શિંદેના આજે, મંગળવારના તમામ કાર્યક્રમો રદ્દ કરવામાં આવ્યા છે. વિધાનસભાની ચૂંટણીની જાહેરાતને હવે ગણતરીના દિવસો બાકી રહ્યા છે ત્યારે મુખ્યમંત્રીની આજની મુલાકાત રદ કરવામાં આવી છે. સૂત્રોએ માહિતી આપી હતી કે મુખ્યમંત્રી એકનાથ શિંદે, જેઓ વિધાનસભાની આચારસંહિતા જાહેર થયા પહેલા ‘મુખ્યમંત્રી લાડકી બહેન’ યોજનાના પ્રચારમાં સતત વ્યસ્ત હતા, તેમની તબિયત આજે સવારે ‘અતિશય મહેનત’ને કારણે બગડી છે. પરિણામે ડોક્ટરની સલાહ મુજબ મુખ્યમંત્રી એકનાથ શિંદેના આજના તમામ કાર્યક્રમો રદ્દ કરવામાં આવ્યા છે. મુંબઈની બહાર સોલાપુર શહેરમાં હોમ મેદાનમાં આયોજિત ‘મુખ્યમંત્રી મારી લાડકી બહેન યોજના’ના પ્રચાર અને પ્રસાર માટેનો આ એક મુખ્ય કાર્યક્રમ હતો.
હવે આ કાર્યક્રમ બે નાયબ મુખ્યમંત્રી દેવેન્દ્ર ફડણવીસ અને અજિત પવારની હાજરીમાં યોજાશે.
મુખ્યમંત્રી આજે સવારે 10.30 કલાકે વીસી મારફત મુંબઈ મંડળના વિવિધ હાઉસિંગ પ્રોજેક્ટમાં ફ્લેટના વિતરણ માટેના ડ્રોઈંગ પ્રોગ્રામ માટે ઉપસ્થિત રહેવાના હતા. પરંતુ તે આ કાર્યક્રમમાં ગેરહાજર રહ્યા હતા. આ કાર્યક્રમ યશવંતરાવ ચવ્હાણ સેન્ટર, નરીમાન પોઈન્ટ, મુંબઈ ખાતે યોજાયો હતો. જે બાદ આજે બપોરે 12.30 કલાકે મુખ્યમંત્રીનો સોલાપુર પ્રવાસ શરૂ થવાનો હતો. જેમાં તેઓ ‘મુખ્યમંત્રી મારી લાડકી બહેન યોજના’ના પ્રચાર અને પ્રસાર કાર્યક્રમમાં સામેલ થવા જઈ રહ્યા હતા. સોલાપુરના હોમ મેદાનમાં આ કાર્યક્રમનું આયોજન કરવામાં આવ્યું હતું. મુખ્યમંત્રી એકનાથ શિંદેની સોલાપુરની મુલાકાત પાંચમી વખત રદ કરવામાં આવી છે.
ત્યારબાદ મુખ્યમંત્રીની અધ્યક્ષતામાં મુંબઈના સહ્યાદ્રી ગેસ્ટ હાઉસ ખાતે રાજ્ય મંત્રીમંડળની બેઠક મળી હતી. તે પણ રદ કરવામાં આવી છે. કેબિનેટની બેઠક બાદ, મુખ્યમંત્રી તે જ સ્થળે મહાત્મા ફૂલે રિન્યુએબલ એનર્જી એન્ડ ઈન્ફ્રાસ્ટ્રક્ચર ટેક્નોલોજી લિમિટેડ (મહાપ્રીત)ના બોર્ડ ઓફ ડિરેક્ટર્સની બેઠકમાં હાજરી આપવાના હતા.
Also Read –
