Stock Market : શેરબજારમાં હજુ પણ અમદાવાદ અને મુંબઈનો દબદબો યથાવત, જાણો વિગતે…
મુંબઈ : ભારતીય શેરબજારમાં(Stock Market)આજે પણ અમદાવાદ અને મુંબઈનો દબદબો યથાવત છે. જેમાં સોમવારે એક સોશિયલ મીડિયા પોસ્ટમાં ડિસ્કાઉન્ટ બ્રોકિંગ ફર્મ ઝેરોધાના સહ-સ્થાપક અને સીઈઓ નીતિન કામથે જણાવ્યું હતું કે લગભગ 80 ટકા ઇક્વિટી ડિલિવરી ટ્રેડ્સ ભારતમાં બે બિઝનેસ-કેન્દ્રિત શહેરો મુંબઈ અને અમદાવાદમાં થાય છે.
આ પણ વાંચો : HMPV મામલે સ્કૂલો સાવધઃ માતા-પિતાને આપી આવી સલાહ
ગુજ્જુ એ જ છે જેની પાસે ખરેખર નાણાં છે
મુંબઈ અને અમદાવાદમાં 80 ટકા ઈક્વિટી ડિલિવરી સોદા થાય છે. આ અગાઉ “X”પરની એક પોસ્ટમાં નીતિન કામથે જણાવ્યું હતું કે, મૂળભૂત રીતે ગુજ્જુ એ જ છે જેની પાસે ખરેખર નાણાં છે. ગુજ્જુઓ, જેમને ગુજરાતીઓ કહેવામાં આવે છે જે તેમની વ્યાપારી કુશળતા અને મજબૂત નાણાકીય સ્થિતિ માટે જાણીતા છે.
રોકડ ટ્રેડિંગમાં મુંબઈનો હિસ્સો 64.28 ટકા
ભારતીય શેરબજારોમાં કેશ ટ્રેડિંગના શહેર મુજબના વિતરણ પર આધારિત ડેટા શેર કરતાં, નીતિન કામથે જણાવ્યું હતું કે નવેમ્બર 2024માં નેશનલ સ્ટોક એક્સચેન્જ (NSE) પર કુલ રોકડ ટ્રેડિંગમાં મુંબઈનો હિસ્સો 64.28 ટકા હતો પરંતુ તેણે કુલ રોકડ ટ્રેડિંગમાં 27.02 ટકાનું યોગદાન આપ્યું હતું. રોકડ ટ્રેડિંગમાં નાંણાનો ઉપયોગ કરીને શેરની ખરીદી અથવા વેચાણનો સમાવેશ થાય છે. રોકાણકારો તેમના ડીમેટ ખાતામાં ઉપરોક્ત સિક્યોરિટીઝની ડિલિવરી લે છે.
અમદાવાદનો હિસ્સો નોંધપાત્ર
ગુજરાતના મુખ્ય શહેરોમાંનું એક અમદાવાદ બીજા ક્રમે રહ્યું હતું. માહિતી અનુસાર, NSE પર કુલ રોકડ ટર્નઓવરમાં અમદાવાદનો હિસ્સો 17.53 ટકા હતો. BSE પર તે 27.31 ટકા હતો. NSE પર કુલ રોકડ ટર્નઓવરમાં મુંબઈ અને અમદાવાદનો હિસ્સો લગભગ 82 ટકા હતો. BSE પર બંને શહેરોનો હિસ્સો 44.55 ટકા હતો. અમદાવાદનો હિસ્સો નોંધપાત્ર છે જ્યારે ગુજરાતમાં નોંધાયેલા કુલ રોકાણકારોમાં માત્ર 8 ટકા હિસ્સો છે.
એક્સચેન્જમાં 107 મિલિયન નોંધાયેલા રોકાણકારો
NSE દ્વારા આપવામાં આવેલા ડેટા અનુસાર, નવેમ્બર 2024 ના અંત સુધીમાં એક્સચેન્જમાં 107 મિલિયન નોંધાયેલા રોકાણકારો હતા. જો રાજ્ય પ્રમાણે જોવામાં આવે તો મહારાષ્ટ્રમાં 16.5 ટકા (17.7 મિલિયન) રોકાણકારો હતા. તે પછી ઉત્તર પ્રદેશ (12.1 મિલિયન રોકાણકારો), ગુજરાત (9.5 મિલિયન), પશ્ચિમ બંગાળ (6.2 મિલિયન) અને રાજસ્થાન (6.1 મિલિયન) આવે છે.
આ પણ વાંચો : સાવધાન મુંબઈગરાઃ હવામાનના પલટાને કારણે ‘આ’ બીમારીમાં વધારો…
રોકડ વેપારમાં અન્ય શહેરોનો હિસ્સો કેટલો ?
આ દરમિયાન, અમદાવાદ અને મુંબઈ પછી, NSE પર 3.97 ટકાના હિસ્સા સાથે બેંગલુરુમાં સૌથી વધુ ડિલિવરી આધારિત સોદા હતા. BSE પર કોલકાતા ડિલિવરી-આધારિત ટ્રેડિંગ માટે ત્રીજું સૌથી મોટું શહેર રહ્યું, જેમાં રોકડ ટ્રેડિંગનો હિસ્સો કુલ ટર્નઓવરના 2.5 ટકા છે.