આમચી મુંબઈ
પુણેમાં એસટી બસ ઝાડ સાથે ટકરાતાં 25 પ્રવાસી જખમી
![Five people hit by runaway electric car in Ahmedabad, one killed under wheels](https://bombaysamachar.com/wp-content/uploads/2024/04/Yogesh-Dave-2024-04-29T093658.297.jpg)
પુણે: ટ્રક સાથેના અકસ્માતથી બચવાના પ્રયાસમાં સ્ટેટ ટ્રાન્સપોર્ટની બસ એક ઝાડ સાથે ટકરાતાં પચીસ પ્રવાસી જખમી થયા હોવાની ઘટના પુણેમાં બની હતી.
યવત પોલીસ સ્ટેશનના ઈન્સ્પેક્ટર નારાયણ દેશમુખે જણાવ્યું હતું કે ઘટના રવિવારની સવારે દૌંડ તહેસીલના યવત નજીક સહજપુર ગામ ખાતે બની હતી. બસ સોલાપુર જિલ્લાના પંઢરપુરથી મુંબઈ આવી રહી હતી.
આગળ જઈ રહેલી ટ્રકના ડ્રાઈવરે એકાએક બ્રેક મારી હતી. ટ્રક અચાનક રસ્તા પર ઊભી રહી જતાં અકસ્માતથી બચવા ડ્રાઈવરે બસ એક તરફ વાળી દીધી હતી. બસ રસ્તા પરથી નીચે ઊતરીને ઝાડ સાથે ભટકાઈ હતી.
બનાવની જાણ થતાં યવત પોલીસની ટીમ ઘટનાસ્થળે પહોંચી ગઈ હતી. આ ઘટનામાં પચીસ પ્રવાસી ઘવાયા હતા, જેમાંથી ત્રણથી ચારને ગંભીર ઇજા થઈ હતી. ઘવાયેલાઓને સારવાર માટે લોણી કાળભોર સ્થિત ખાનગી હૉસ્પિટલમાં દાખલ કરવામાં આવ્યા હોવાનું પોલીસે જણાવ્યું હતું. (પીટીઆઈ)