ફોકસ પ્લસ : બોલિવૂડના ફેશન સ્ટાઈલિશ અભિનેતા

• રાજેશ યાજ્ઞિક

પુરૂષોની મોટાભાગની ફેશન (આમ જોવા જઈએ તો મહિલાઓની પણ) આપણે ત્યાં બોલિવૂડ સાથે જોડાયેલી હોય છે. જ્યારે પહેલીવાર રણવીર સિંહ સ્કર્ટ પહેરીને જાહેરમાં આવ્યો ત્યારે પુરૂષોની પરંપરાગત છાપ જોવા ટેવાયેલા ભારતીયો રીતસરના ડઘાઈ ગયા હતા. પુરૂષો માટે આમ તો ફેશનના નામે બહુ વિકલ્પો નથી હોતા. તેમ છતાં બોલીવૂડના અનેક હીરો દેશના પુરૂષો માટે ફેશન આઇકોન સાબિત થયા છે. એટલી હદે કે કોઈપણ વ્યક્તિએ ફેશનની નકલ કરી હોય તો તરત ઓળખાણ પડી જાય કે કયા હીરોની ફેશન છે!

દિલવાલે દુલ્હનિયા લે જાયેંગેમાં પહેરેલા શાહરુખ ખાનના આઇકોનિક સફેદ કુર્તા વિશે વિચારો કે જિંદગી ના મિલેગી દોબારામાં ઋતિક રોશનના સુઘડ છતાં આરામદાયક પોશાક વિશે. બોલિવૂડના પોશાક તમારા કબાટમાં વિચારો છો તેના કરતાં વધુ ઝડપથી પ્રવેશ કરે છે. દરેક ટે્રલર, મ્યુઝિક વીડિયો અને પાપારાઝી ફેશન માટે રનવે તરીકે કામ કરે છે. અને જ્યારે રણવીર સિંહ જેવા સ્ટાર્સ બોર્ડર-પુશિંગ સ્ટાઇલ પસંદ કરે છે, ત્યારે તે સામાન્ય પુષોને તેમના કપડા સાથે પ્રયોગ કરવા માટે પ્રોત્સાહિત કરે છે. માત્ર કપડાં જ નહીં, વાળની સ્ટાઇલ હોય, કે પેન્ટના બેલ્ટ, કે પછી જૂતા, લોકો પોતાના પ્રિય કલાકારની સ્ટાઇલ તરત અપનાવી લે છે.

અમિતાભ બચ્ચનનો રેટ્રો લૂક

1970ના દાયકામાં અમિતાભ બચ્ચનનું વિશાળ વ્યક્તિત્વ તેમની ફેશન પસંદગીઓમાં પ્રતિબિંબિત થયું હતું. તેમણે રંગબેરંગી, મોટા કદના શર્ટ, પહોળા કોલર અને ફ્લેર ટ્રાઉઝર પહેરવાના ટે્રન્ડને લોકપ્રિય બનાવ્યો, જેનાથી તેઓ લોકો માટે સ્ટાઇલ આઇકોન બન્યા.

ફિલ્મોમાં કાન ઢંકાય તેવા વાળ ઓળવાની અમિતાભની રીત યાદ છે? આજે પચાસ કે સાઠની ઉંમર વટાવી ચૂકેલા લોકોના જૂના આલ્બમ ફંફોસો તો એમાં આવી હેરસ્ટાઇલ વાળા ફોટા ચોક્કસ મળી આવશે.

આ પણ વાંચો: ફોકસ પ્લસ : વિન્ડચામનો મધુર સ્વર લાવે છે ઘરમાં સમૃદ્ધિ

ઋષિ કપૂર: ઋષિ કપૂરની ફેશન પસંદગીઓમાં એક બેદરકાર અને કેઝ્યુઅલ વાતાવરણ હતું. તેમણે પેટર્નવાળા શર્ટ, ડેનિમ જેકેટ અને ફ્લેર જીન્સ પહેરવાના ટે્રન્ડને લોકપ્રિય બનાવ્યો, જે તે યુગના યુવા અને જીવંત ભાવનાને મૂર્તિમંત બનાવે છે.

અનિલ કપૂર: 1980 ના દાયકામાં અનિલ કપૂરની ફેશન સેન્સ તેમના કઠોર છતાં સ્ટાઇલિશ દેખાવ દ્વારા જાણીતી હતી. અનિલ કપૂરે ચામડાના જેકેટ, બંદાના અને ફાટેલા જીન્સ પહેરવાના ટે્રન્ડને લોકપ્રિય બનાવ્યો, જેનાથી તેમના ઓન-સ્ક્રીન વ્યક્તિત્વમાં બળવાખોરીનો સ્પર્શ ઉમેરાયો.

શાહરુખ ખાનનો આરામદાયક ચાર્મ

90ના દાયકામાં, જ્યારે શાહરુખ ખાને બોલિવૂડ થીમ આઉટફિટ્સનો ટે્રન્ડ શરૂ કર્યો હતો. તેના બટન વગરના શર્ટ, ડેનિમ-ઓન-ડેનિમ એસેમ્બલ્સ અને કેઝ્યુઅલ ગૂંથેલા સ્વેટરને કારણે ભારતના દરેક યુવાનને એવું લાગતું હતું કે તેઓ પણ દિલ તો પાગલ હૈ' નારાહુલ’ બની શકે છે. તેણે પરંપરાગત ભારતીય પોશાક ઉપર લાંબા કોટ પહેરવાના ટે્રન્ડને લોકપ્રિય બનાવ્યો, અને તેમના દેખાવમાં સોફિસ્ટિકેશનનો સ્પર્શ ઉમેર્યો.

રણવીર સિંહ: આઉટલેન્ડિશ કેઝ્યુઅલ્સનો રાજા રણવીર સિંહ કરતાં ગાંડપણ અને સ્ટાઇલને વધુ સારી રીતે કોઈ મિક્સ કરી શકતું નથી. તેના કપડાની પસંદગીઓ – મોટા પ્રિન્ટથી લઈને વિચિત્ર એક્સેસરીઝ સુધી – ભારતીય પુષોને તેમના કેઝ્યુઅલ વસ્ત્રોમાં રંગ, પેટર્ન અને વ્યક્તિત્વ અપનાવવા માટે પ્રોત્સાહિત કરે છે.

રણબીર કપૂર: સ્માર્ટ કેઝ્યુઅલ્સ માટેનો પોસ્ટર બોય ફોર્મલ ડે્રસમાં રણબીર કપૂર ભલે ક્લાસ પ્રતિબિંબિત કરતો હોય, પરંતુ જ્યારે કેઝ્યુઅલની વાત આવે છે, ત્યારે તે કૂલનો માસ્ટર છે. મોનોક્રોમેટિક ટી-શર્ટ, સ્લિમ-ફિટ જીન્સ અને હળવા વજનના જેકેટ્સ પ્રત્યેના રણબીરના પ્રેમે તેને મિનિમલિસ્ટ છતાં પ્રભાવશાળી ડે્રસિંગ માટે ગો-ટુ આઇકોન બનાવ્યો છે.