(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે સ્મોલ ગે્રડની ખાંડનાં ટેન્ડરોમાં સ્થાનિક તેમ જ દેશાવરોની માગ મર્યાદિત રહી હોવાથી વેપાર ક્વિન્ટલે રૂ. પાંચથી 15ના ઘટાડા સાથે રૂ. 3820થી 3850માં થયાના અહેવાલ હતા.
આમ મથકો પરનાં નિરુત્સાહી અહેવાલ સાથે સ્થાનિક જથ્થાબંધ ખાંડ બજારમાં પણ સ્મોલ ગે્રડની ખાંડના ભાવમાં વધુ ક્વિન્ટલે રૂ. 10નો ઘટાડો આવ્યો હતો, જ્યારે મિડિયમ ગે્રડની ખાંડમાં ઉપલા મથાળેથી ક્વિન્ટલે રૂ. બેનો સાધારણ ગુણવત્તાલક્ષી ઘટાડો આવ્યો હતો. તેમ જ નાકા ડિલિવરી ધોરણે ભાવમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં અંદાજે 29થી 30 ટ્રકની આવક સામે સ્ટોકિસ્ટોની છૂટીછવાઈ લેવાલી અને રિટેલ સ્તરની માગ જળવાઈ રહેતાં ઉપાડ લગભગ 28થી 29 ટ્રકનો રહ્યો હતો.
જોકે, એકંદરે તહેવારોની મોસમની માગ જળવાઈ રહી હોવા છતાં મથકો પાછળ હાજરમાં સ્મોલ ગે્રડની ખાંડના વેપાર ક્વિન્ટલે રૂ. 10ના ઘટાડા સાથે રૂ. 3982થી 4042માં થયા હતા, જ્યારે મિડિયમ ગે્રડની ખાંડના વેપાર ઉપલા મથાળેથી ક્વિન્ટલે રૂ. બેના સાધારણ ગુણવત્તાલક્ષી ઘટાડા સાથે રૂ. 4036થી 4102માં થયા હતા.
જોકે, આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગને ટેકે સ્મોલ ગે્રડની ખાંડના વેપાર ક્વિન્ટલે રૂ. 3900થી 3930માં અને મિડિયમ ગે્રડની ખાંડના વેપાર ક્વિન્ટલે રૂ. 3930થી 3970માં ગુણવત્તાનુસાર ટકેલા ધોરણે થયા હતા.
આ પણ વાંચો…મથકો પાછળ ખાંડમાં નરમાઈ
