સોલાપુર: સોલાપુર જિલ્લામાં એસયુવી (સ્પોટર્સ યુટિલિટી વેહિકલ) સાથે મોટરસાઇકલ ટકરાતાં ત્રણ જણનાં મોત થયાં હતાં, જ્યારે આઠ લોકો ઘવાયા હતા. કરમાલા તાલુકાના વીટ વિસ્તારમાં ભૂજબળ વસ્તી નજીક શનિવારે સાંજે આ અકસ્માત થયો હતો, એમ પોલીસ અધિકારીએ જણાવ્યું હતું.
મોટરસાઇકલ પર ત્રણ લોકો સવાર હતા અને તે એસયુવી સાથે ભટકાઇ હતી. અકસ્માત બાદ એસયુવી રસ્તાની બાજુમાં અથડાઇ હતી. આ અકસ્માતમાં મોટરસાઇકલ પર સવાર ત્રણેય જણનાં મોત થયાં હતાં, જેમની ઓળખ હનુમંત કેરુ ફલફાલે (35), કંચન કેરુ ફલફાલે (30) અને સ્વાતિ શરદ કાશિદ (25) તરીકે થઇ હતી.
હનુમંત અને કંચન ફલફાલે અંજનદોહના, જ્યારે સ્વાતિ કાશિદ ઇન્દાપુર તાલુકાના સરાફવાડી ખાતેના રહેવાસી હતાં. એસયુવીમાં પ્રવાસ કરી રહેલા આઠ લોકો અકસ્માતમાં ઘાયલ થયા હતા અને તેનમે સારવાર માટે કરમાલાની હોસ્પિટલમાં દાખલ કરવામાં આવ્યા હતા. (પીટીઆઇ)
