શિવસેના એ સાંસદો સામે પગલાં લેશે….
મહિલા આરક્ષણ બિલ વખતે હાજર રહેવાના વ્હીપનો અનાદર કરનાર ઠાકરે જૂથના સંસદસભ્ય સામે કાર્યવાહીની માંગણી
મુંબઈ: શિવસેનાના લોકસભા જૂથના નેતા સાંસદ રાહુલ શેવાળેએ નારી શક્તિ વંદન અધિનિયમ 2023 સંબંધિત લોકસભાના મતદાન દરમિયાન ગેરહાજર રહેલા ઠાકરે જૂથના સાંસદો સામે કાયદાકીય કાર્યવાહીની ચેતવણી આપી હતી. શેવાળેએ સ્પષ્ટતા કરી હતી કે તેઓ ઉદ્ધવ બાળાસાહેબ ઠાકરે જૂથને સમર્થન કરનારા વિનાયક રાઉત, રાજન વિચારે, ઓમરાજે નિમ્બાલકર અને સંજય જાધવ નામના ચાર સાંસદોને સસ્પેન્ડ કરવા અંગે કાનૂની સલાહ પણ લઈ રહ્યા છે અને લોકસભા અધ્યક્ષને નિવેદન પણ આપશે.
તેઓ બુધવારે આદરણીય હિન્દુ હૃદય સમ્રાટ બાળાસાહેબ ઠાકરે ભવનમાં આયોજિત પત્રકાર પરિષદમાં બોલી રહ્યા હતા. સાંસદ શેવાળેએ જણાવ્યું હતું કે વરિષ્ઠ નેતા શરદ પવારે જાહેરાત કરી હતી કે કોંગ્રેસના નેતૃત્વ હેઠળના ગઠબંધનના તમામ સાંસદોએ મહિલા અનામત બિલને સમર્થન આપ્યું હતું. જો કે વાસ્તવિકતા જુદી છે.આ બિલના મતદાન દરમિયાન તેમના ગઠબંધનના ઘણા સાંસદો ગેરહાજર રહ્યા હતા. શિવસેનાના સાંસદ ભાવનાતાઈ ગવળી લોકસભામાં પ્રતોદ પદ ધરાવે છે અને તેમના દ્વારા જારી કરાયેલ વ્હીપ શિવસેનાના તમામ સાંસદો માટે બંધનકર્તા છે.
સાંસદ ગવળીએ પાર્ટી વતી તમામ સાંસદોને 18 સપ્ટેમ્બરથી 22 સપ્ટેમ્બર સુધી યોજાયેલા વિશેષ સત્રમાં હાજરી આપવા માટે વ્હિપ જારી કર્યો હતો. પરંતુ ઉદ્ઘવ બાળાસાહેબ ઠાકરે જૂથને ટેકો આપનારા ચાર સાંસદોએ વ્હીપનું ઉલ્લંઘન કર્યું હતું. હિંદુ હૃદય સમ્રાટ બાળાસાહેબ ઠાકરેએ હંમેશા મહિલા આરક્ષણ માટે સમર્થનનું વલણ અપનાવ્યું હતું.
પરંતુ આ ચાર સાંસદો જેઓ તેમના વિચારોનો વારસો ધરાવે છે એવો દાવો કરે છે તેઓ મહિલા અનામત બિલ પર મતદાન દરમિયાન ગૃહમાં હાજર ન હતા, જે શરમજનક અને કમનસીબ ઘટના છે. આમાંથી સાંસદ ઓમરાજ નિમ્બાલકર અને સાંસદ દિલ્હીમાં હોવા છતાં ગૃહમાં આવ્યા ન હતા. મહિલાઓનું અપમાન કરનારા આ સાંસદોને લોકો તેમની જગ્યા બતાવશે.
