નાગપુરમાં સોલર કંપનીમાં મોટો ધમાકો, 9 લોકોના દર્દનાક મૌત; અનેક ઘાયલ

નાગપુર: મહારાષ્ટ્રના નાગપુરમાં એક કંપનીમાં મોટો વિસ્ફોટ થયો છે. પોલીસે જણાવ્યું કે રવિવારે થયેલા વિસ્ફોટમાં 9 લોકોના મોત થયા છે. આ અકસ્માતમાં અનેક લોકો ઘાયલ થયા છે. એક વરિષ્ઠ પોલીસ અધિકારીએ જણાવ્યું હતું કે બજારગાંવ વિસ્તારમાં સોલાર ઈન્ડસ્ટ્રીઝના કાસ્ટ બૂસ્ટર યુનિટમાં સવારે 9 વાગ્યે વિસ્ફોટ થયો હતો.

આ કંપની નાગપુર અમરાવતી રોડ પર બજાર ગામમાં આવેલી છે. પ્રાથમિક માહિતી મુજબ વિસ્ફોટ આજે સવારે 9 વાગ્યે થયો હતો. જણાવવામાં આવી રહ્યું છે કે વિસ્ફોટકો પેક કરવાનું કામ ચાલી રહ્યું હતું ત્યારે વિસ્ફોટ થયો હતો. વિસ્ફોટ ખૂબ જ તીવ્ર હતો અને ત્યાં હાજર ઘણા કામદારો ગંભીર રીતે ઘાયલ થયા હતા. આ ઘટનામાં અત્યાર સુધીમાં નવ લોકોના મોત થયા છે. સોલાર એક્સપ્લોસિવના મુખ્ય દરવાજા સામે મોટી સંખ્યામાં લોકો એકઠા થયા છે.આ વિસ્ફોટ કેવી રીતે થયો એની તપાસ કરવામાં આવી રહી છે.