કેટલાક ભારતીયો આપણી પોતાની ભાષાઓ જાણતા નથી: ભાગવતે ચિંતા વ્યક્ત કરી

નાગપુર: રાષ્ટ્રીય સ્વયંસેવક સંઘ (આરએસએસ) વડા મોહન ભાગવતે આજે ભારતીય ભાષાઓ અને માતૃભાષાઓના ઘટી રહેલા ઉપયોગ અંગે ચિંતા વ્યક્ત કરતા કહ્યું કે પરિસ્થિતિ એવી જગ્યાએ પહોંચી ગઈ છે જ્યાં કેટલાક ભારતીય લોકો આપણી પોતાની ભાષાઓ જાણતા નથી.

નાગપુરમાં સંત જ્ઞાનેશ્વર દ્વારા મૂળ મરાઠીમાં લખાયેલા પુસ્તક ‘શ્રી જ્ઞાનેશ્વરી’ના અંગ્રેજી સંસ્કરણના વિમોચન પ્રસંગે બોલતા, ભાગવતે ભાષાકીય વારસાના ધોવાણ પર સમાજને આત્મનિરીક્ષણ કરવા અપીલ કરી હતી.

આ પણ વાંચો : RSSને સમાજના વિનાશની ચિંતા કોરી ખાય છે

એક સમય હતો જ્યારે રોજિંદો વ્યવહાર બધુ સંસ્કૃતમાં જ થતું અને આજે અમેરિકન પ્રોફેસર આપણને સંસ્કૃત શીખવે છે, જ્યારે વાસ્તવમાં આપણે દુનિયાને તે શીખવવું જોઈતું હતું. આજે ઘણા બાળકો કેટલાક ખૂબ જ મૂળભૂત અને સરળ શબ્દો જાણતા નથી. પરિસ્થિતિ એવી જગ્યાએ પહોંચી ગઈ છે કે કેટલાક ભારતીય લોકો આપણી પોતાની ભારતીય ભાષાઓ જાણતા નથી, તેમણે જણાવ્યું હતું.

સંત જ્ઞાનેશ્વરનો ઉલ્લેખ કરતા તેમણે કહ્યું કે સંતે સમાજની સારી સમજણ માટે ભગવદ ગીતાનું જ્ઞાન મરાઠીમાં લાવ્યા. જ્ઞાનેશ્વર દ્વારા ઉપયોગમાં લેવાતા એક શબ્દ માટે ઘણીવાર બહુવિધ અંગ્રેજી શબ્દોની જરૂર પડે છે, જેનો અર્થ સંપૂર્ણપણે વ્યક્ત થતો નથી, એમ જણાવ્યું હતું.