મોદીજી દેશનું ગૌરવ, જ્યારે તેઓ મહારાષ્ટ્રમાં આવે ત્યારે ખાલી હાથે આવતા નથી: એકનાથ શિંદે
(અમારા પ્રતિનિધિ તરફથી)
મુંબઈ: વડા પ્રધાન નરેન્દ્ર મોદીએ વાશિમ જિલ્લાના પોહરાદેવી ખાતે બંજારા હેરિટેજ મ્યુઝિયમનું ઉદ્ઘાટન કર્યું, જે બંજારા સમુદાયનું પૂજા સ્થળ છે. દરમિયાન મુખ્ય પ્રધાન એકનાથ શિંદેએ કહ્યું હતું કે ‘લાડકી બહેન યોજના ક્યારેય બંધ નહીં થાય. તેમણે વડાપ્રધાનની પ્રશંસા કરતાં કહ્યું હતું કે મોદીજી જ્યારે મહારાષ્ટ્રમાં આવે છે ત્યારે તેઓ ખાલી હાથે આવતા નથી, તેઓ માત્ર ભાષણ આપીને જતા નથી. તેઓ ઘણું બધું આપીને જાય છે.
આ પણ વાંચો: ‘ખૂલ જા સીમ સીમ’ ; મહારાષ્ટ્ર ચૂંટણી પહેલા મોદીનો ‘જાદુઇ ચિરાગ’ 32 હજાર કરોડથી વધુની યોજના ભેટ કરી
બંજારા વિરાસતનું વડા પ્રધાન નરેન્દ્ર મોદી દ્વારા ઉદ્ઘાટન કરવામાં આવ્યું છે. આ એક એવો દિવસ છે જે સુવર્ણ અક્ષરોમાં લખવો જોઈએ. તમે ભાગ્યશાળી છો. રામરાવ મહારાજે ઈચ્છા વ્યક્ત કરી હતી કે વડા પ્રધાન પોહરાદેવી આવે. પરંતુ તે યોગ ન બન્યો. અન્ય કોઈ માનનીય વડા પ્રધાન નરેન્દ્ર મોદીના ભાગ્યમાં યોગ હતો.
બંજારા સમાજના ઈતિહાસને સાચવવાનું કામ આપણે કરવાનું છે. ભારતને મહાસત્તા બનતા કોઈ રોકી શકશે નહીં કારણ કે મોદીજીનો પ્રભાવ ખૂબ જ વધી રહ્યો છે. મોદીજી દેશનું ગૌરવ છે. મોદીજીની પ્રેરણા અને આશીર્વાદથી દેશનો વિકાસ થશે. રાજ્યમાં ડબલ એન્જિન સરકારનું કામ ઝડપથી આગળ વધી રહ્યું છે, એમ તેમણે કહ્યું હતું.
આ પણ વાંચો: શનિવારે મહારાષ્ટ્રમાં PM: 9.5 કરોડ ખેડૂતોને આ રીતે આપશે નાણાંકીય લાભ…
લાડકી બહેન યોજના સુપરહિટ છે. અમારી બહેનોના ખાતામાં ત્રણ હપ્તા જઈ રહ્યા છે જે બે કરોડથી વધુ છે. વિરોધીઓ કહે છે કે અમે આ યોજના બંધ કરી દઈશું પણ લાડકી બહેન યોજનાને કોઈ ક્યારેય રોકી શકશે નહીં. કારણ કે આ યોજના આપણા ગરીબો માટે છે. બહેનો, ડબલ એન્જિન સરકાર દરેકને ન્યાય આપવાનું કામ કરી રહી છે.
મોદીજી જ્યારે મહારાષ્ટ્રમાં આવે છે, ત્યારે તેઓ ખાલી હાથે આવતા નથી, તેઓ માત્ર ભાષણ જ આપતા નથી. તેઓ અમારી પાસેથી કામ લે છે અને અમારી પીઠ પર થપથપાવે છે. આ તેમની મહાનતા છે. પરંતુ તેમ છતાં, વિરોધીઓ સતત ટીકા કરે છે એમ જણાવતાં તેમણે ઉમેર્યું હતું કે મરાઠી ભાષાને શાસ્ત્રીય ભાષાનો દરજ્જો આપવાનો નિર્ણય વડા પ્રધાન મોદીએ જ લીધો છે.
