મહારાષ્ટ્ર પહેલી એઆઈ પોલીસી બનાવશે, આઈટી વિભાગ આ વર્ષના અંતમાં ડ્રાફ્ટ રજૂ કરશે
(અમારા પ્રતિનિધિ તરફથી)
મુંબઈ: ટેકનોલોજીકલ આધુનિકરણમાં મહારાષ્ટ્રને અગ્રણી બનાવવાના પગલાંરૂપે માહિતી અને ટેકનોલોજી વિભાગ રાજ્યની પ્રથમ સ્વતંત્ર એઆઈ નીતિનો મુસદ્દો તૈયાર કરવાની છે.
આ નીતિમાં રાજ્યની આર્થિક અને સામાજિક પ્રાથમિકતાઓ સાથે સુસંગત રહીને હિસ્સેદારો તરફથી મળતા ઇનપુટનો સમાવેશ કરવામાં આવશે. તેને અંતિમ સ્વરૂપ આપવામાં આવે તે પહેલાં નિષ્ણાતો અને ઉદ્યોગના અગ્રણીઓ દ્વારા તેની સમીક્ષા કરવામાં આવશે, અને આ વર્ષના અંતમાં તેનું અનાવરણ થવાની અપેક્ષા છે.
સહ્યાદ્રી ગેસ્ટ હાઉસ ખાતે આયોજિત એક બેઠકમાં રાજ્યના આઈટી ખાતાના પ્રધાને આર્ટિફિશિયલ ઈન્ટેલિજન્સ (એઆઈ)ની પરિવર્તનશીલ સંભાવના પર ભાર મૂક્યો અને તેના ફાયદાઓનો ઉપયોગ કરવા માટે એક વ્યાપક રોડમેપની જરૂરિયાતની રૂપરેખાની આવશ્યકતા વ્યક્ત કરી હતી.
આપણ વાંચો: India-France: સેફ્રાન કંપની જેટ એન્જિનના માટે ભારતને ટેકનોલોજીકલ સહયોગ આપવા તૈયાર
આ બેઠકમાં આઈટી વિભાગના સચિવ પરાગ જૈન નૈનુટિયા, મહાઆઈટીના મેનેજિંગ ડિરેક્ટર જયશ્રી ભોજ અને અન્ય વરિષ્ઠ અધિકારીઓ હાજર રહ્યા હતા.
આ ઇકોસિસ્ટમમાં મહારાષ્ટ્ર મુખ્ય ખેલાડી બને તે સુનિશ્ર્ચિત કરવા માટે ઉદ્યોગો, વ્યવસાયો અને સરકારમાં એઆઈના એકીકરણની આસપાસ ચર્ચા થઈ હતી. એઆઈ ટેકનોલોજીનો યુગ શરૂ થઈ ગયો છે, અને મહારાષ્ટ્રે નેતા તરીકે ઉભરી આવવા માટે આ તકનો લાભ લેવો જોઈએ.
‘એઆઈનો ઉપયોગ કરીને, આપણે ઉદ્યોગોને આકર્ષિત કરી શકીએ છીએ, નવીનતાને પ્રોત્સાહન આપી શકીએ છીએ અને આપણા યુવાનો માટે રોજગારીનું સર્જન કરી શકીએ છીએ. આ ફક્ત ટેકનોલોજી વિશે નથી, તે એક એવી ઇકોસિસ્ટમ બનાવવા વિશે છે જે ડિજિટલ યુગમાં દરેક ક્ષેત્રને વિકાસ માટે સશક્ત બનાવે છે,’ એમ આઈટીના પ્રધાને જણાવ્યું હતું.
આપણ વાંચો: ભારતીય વિદ્યાર્થીઓ માટે વિદેશમાં અભ્યાસની ઉજ્જવળ તક…
તેમણે ગયા વર્ષે રૂ. 10,372 કરોડના બજેટ સાથે શરૂ કરાયેલ રાષ્ટ્રીય ‘ઈન્ડિયા એઆઈ’ મિશન સાથે મહારાષ્ટ્રના વિઝનને સમતોલ કરવાના મહત્વ પર ભાર મૂક્યો. ‘ઈન્ડિયા એઆઈ’ ડેટાસેટ્સ પ્લેટફોર્મ, એઆઈ ઇનોવેશન સેન્ટર્સ અને સ્ટાર્ટ-અપ્સ માટે ભંડોળ ઉપલબ્ધતાની સહાય જેવી પહેલ સાથે એઆઈ ક્ષમતાઓને આગળ વધારવા પર ધ્યાન કેન્દ્રિત કરે છે.
‘કેન્દ્ર સરકારની પહેલ એક ઉત્તમ પાયો પૂરો પાડે છે. મહારાષ્ટ્રે તેની અસરને વધારવા અને વૈશ્ર્વિક એઆઈ લીડર બનવાની ભારતની મહત્વાકાંક્ષામાં ફાળો આપવા માટે આ પ્રયાસો સાથે તેની આકાંક્ષાઓને સાંકળવી જોઈએ,’ એમ તેમણે કહ્યું હતું.
‘ઈન્ડિયા એઆઈ’ મિશન હેઠળ, કેન્દ્ર સરકાર આ મહિનાથી બિન-વ્યક્તિગત ડેટાસેટ્સ એકત્રિત કરવાનું શરૂ કરવા માટે સજ્જ છે. આ પ્રયાસનો હેતુ સ્ટાર્ટ-અપ્સ, સંશોધકો અને કંપનીઓ માટે સુલભ એક વ્યાપક ડેટાબેઝ બનાવવાનો છે. આ ડેટાસેટ્સ નવીન એપ્લિકેશનોને શક્તિ આપશે, ભાષા મોડેલોમાં સુધારો કરશે અને વિશિષ્ટ એઆઈ સેવાઓને સુવિધા આપશે.
મહારાષ્ટ્ર મજબૂત માળખાગત સુવિધાઓ, નીતિ માળખા અને ભાગીદારી સ્થાપિત કરીને આ પહેલમાં મુખ્ય ભૂમિકા ભજવી શકે છે. એઆઈ પોલીસી સુનિશ્ર્ચિત કરશે કે આપણે ફક્ત સહભાગી નહીં પણ આ ક્રાંતિમાં અગ્રણી છીએ, એમ પણ તેમણે કહ્યું હતું.
જેમ જેમ કેન્દ્ર તેની એઆઈ પહેલોને ગતિ આપે છે, તેમ તેમ મહારાષ્ટ્રનો સક્રિય અભિગમ તેને નવીનતા અને વિકાસ માટે એક મોડેલ રાજ્ય તરીકે સ્થાન આપી શકે છે, એમ તેમણે કહ્યું હતું.