રાજકારણમાં કંઈક મોટું થઈ રહ્યું છે? એકનાથ શિંદે દિલ્હીમાં મોદીને મળતાં રાજકીય વર્તુળોમાં અટકળો

(અમારા પ્રતિનિધિ તરફથી)
મુંબઈ: મહારાષ્ટ્રના રાજકારણમાં એક મહત્વના સમાચાર સામે આવી રહ્યા છે. મહારાષ્ટ્રના નાયબ મુખ્ય પ્રધાન એકનાથ શિંદે ગુરુવારે દિલ્હીમાં વડાપ્રધાન નરેન્દ્ર મોદીને મળ્યા હતા. જેના કારણે રાજકીય વર્તુળોમાં વિવિધ ચર્ચાઓ જાગી છે. રાજ્યમાં હવે મહાયુતિની સરકાર બની છે. કૅબિનેટનું વિસ્તરણ અને ખાતાની ફાળવણી પણ કરવામાં આવી છે. હવે તમામ જિલ્લાના પાલક પ્રધાનપદની ફાળવણી બાકી રહી છે. આગામી બે-ચાર દિવસમાં આ પણ થઈ જાય તેવી શક્યતા છે. તેમજ નવી કૅબિનેટના તમામ પ્રધાનો પોતપોતાના વિભાગોનું કામ સંભાળી રહ્યા છે. આ બધાની વચ્ચે પોતાને આપવામાં આવેલા ખાતાનો પદભાર સ્વીકારવાને બદલે એકનાથ શિંદે દિલ્હીમાં જઈને નરેન્દ્ર મોદીને મળ્યા તેને કારણે આ મુલાકાત પાછળનું સાચું કારણ શું છે? એવો પ્રશ્ર્ન ઘણા લોકોને થઇ રહ્યો છે.

આ બેઠક બાદ ખુદ એકનાથ શિંદેએ કહ્યું હતું કે, વડા પ્રધાન નરેન્દ્ર મોદી સાથે અમારી શુભેચ્છા મુલાકાત થઈ હતી. એકનાથ શિંદેએ કહ્યું કે આ બેઠકમાં કોઈ રાજકીય ચર્ચા થઈ નથી, પરંતુ જ્યારે મહારાષ્ટ્રના મોટા નેતા અને દેશના સર્વોચ્ચ પદ પરના નેતા મુલાકાત કરે ત્યારે રાજકીય ચર્ચા ન થાય તે અશક્ય છે. આથી આ બેઠકને વધુ રાજકીય મહત્વ મળ્યું છે.

ખરેખર, આ મુલાકાત બિલકુલ રાજકીય નહોતી. તે સદ્ભાવના મુલાકાત હતી. મહારાષ્ટ્રના લોકોએ સરકાર દ્વારા કરવામાં આવેલા કામનો સ્વીકાર કરીને સત્તા ફરી આપી છે. મહારાષ્ટ્રની જનતાએ આવી સ્વીકૃતિ આપતાં વડાપ્રધાન નરેન્દ્ર મોદીને જનતા તરફથી આવી સદ્ભાવનાની ભેટ મળી છે. મોદીએ એવી ખાતરી આપી છે કે, મહારાષ્ટ્રના વિકાસમાં કોઈ કમી નહીં રહે. કેન્દ્ર સરકાર અને અમે બધા તમારી પડખે ઊભા રહીશું, એવી માહિતી એકનાથ શિંદેએ મુલાકાત બાદ આપી હતી.

આ પણ વાંચો : મહારાષ્ટ્રનાં વાહનો માટે હાઇ-સિક્યોરિટી રજિસ્ટ્રેશન પ્લેટની કિંમત કેટલી હોય છે જાણો?

‘કેબિનેટના વિસ્તરણ પછી વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ, ભાજપના રાષ્ટ્રીય અધ્યક્ષ જે. પી. નડ્ડા અને કેન્દ્રીય પ્રધાન કિરણ રિજીજુને મળ્યા હતા. અઢી વર્ષમાં અમે બતાવ્યું કે લોકલક્ષી સરકાર શું હોય છે અને લોકોએ અમને મંજૂરીની મહોર આપી છે. અમારી પાછળ કેન્દ્ર સરકારનો ટેકો હતો. હવે અમારી નવી ઇનિંગ શરૂ થઇ છે. મુખ્ય પ્રધાન દેવેન્દ્ર ફડણવીસના નેતૃત્વમાં વિકાસ કેવી રીતે થશે? તે વિશે વિચારો. મહારાષ્ટ્રમાં ક્ષમતા છે. અમે કેન્દ્રના ઘણા મોટા નેતાઓને મળવાના છીએ. દેવેન્દ્ર ફડણવીસ, હું અને નાયબ મુખ્ય પ્રધાન અજિત પવાર ફરી એકવાર બધાને મળીશું,’ એમ એકનાથ શિંદેએ જણાવ્યું હતું.

‘સતત ચૂંટણીઓ વિકાસને અટકાવે છે. દેશની પ્રગતિ માટે વન નેશન વન ઇલેક્શન જરૂરી છે. એનડીએની બેઠક હતી. તેથી તેઓએ પૂર્વ આયોજિત કાર્યક્રમો કર્યા હતા. તે મીટીંગમાં આવ્યો ન હતો. એનડીએ મજબૂત છે. અમે ઈન્ડિ એલાયન્સ જેવા સ્વાર્થ માટે ભેગા થયા નથી, એમ એકનાથ શિંદેએ કહ્યું હતું.

વડાપ્રધાનની મુલાકાત બાદ મીડિયા સાથે વાત કરતાં શિંદેએ કહ્યું, આ ભેટ એક સદિચ્છા મુલાકાત હતી. આ મુલાકાતમાં વિકસિત ભારતની પ્રગતિમાં રાજ્યના યોગદાન અંગે તેમની સાથે ચર્ચા કરી હતી. વડાપ્રધાને એમ પણ કહ્યું હતું કે તેમણે મહારાષ્ટ્રના વિકાસ માટે કેન્દ્ર સરકાર તરફથી તમામ પ્રકારનો સહયોગ મળશે.

આ મુલાકાત દરમિયાન નાયબ મુખ્ય પ્રધાન કેન્દ્રીય ગૃહ પ્રધાન અમિત શાહ અને કેન્દ્રીય આરોગ્ય પ્રધાન જે. પી. નડ્ડાને તેમના સત્તાવાર નિવાસસ્થાને મળ્યા હતા. ગૃહ પ્રધાન અમિત શાહને છત્રપતિ શિવાજી મહારાજની મૂર્તિ અને પરંપરાગત શાલ અર્પણ કરવામાં આવી હતી. કેન્દ્રીય આરોગ્ય પ્રધાન જે. પી. નડ્ડાને ભગવાન શ્રીરામની મૂર્તિ અને પરંપરાગત શાલ ભેટમાં આપવામાં આવી હતી.