મુખ્ય પ્રધાન દેવેન્દ્ર ફડણવીસે જાહેર નેતા ગોપીનાથ મુંડેની પૂર્ણ કદની પ્રતિમાનું અનાવરણ કર્યું…
(અમારા પ્રતિનિધિ તરફથી)
મુંબઈ: ભાજપના દિવંગત નેતા ગોપીનાથ મુંડેની લાતુર જિલ્લા પરિષદ વિસ્તારમાં સ્થાપિત પૂર્ણ કદની પ્રતિમાનું અનાવરણ મુખ્ય પ્રધાન દેવેન્દ્ર ફડણવીસના હસ્તે સોમવારે કરવામાં આવ્યું હતું. આ પ્રસંગે ગળગળા થઈ જતાં પંકજા મુંડેએ કહ્યું હતું કે આજે, મારા પિતા, આપણા નેતા ગોપીનાથ મુંડેની પૂર્ણાકાર પ્રતિમા તેમના પિતાના જન્મસ્થળ લાતુરમાં જિલ્લા પરિષદના પરિસરમાં સ્થાપિત કરવામાં આવી છે.
પ્રતિમા અનાવરણ કાર્યક્રમમાં જે વ્યક્તિ હાજર છે તે આપણા મુખ્ય પ્રધાન છે. આ પ્રસંગે યોજાયેલા કાર્યક્રમમાં પંકજા મુંડેએ કહ્યું છે કે ગોપીનાથ મુંડેની ઇચ્છા હશે કે તેઓ મુખ્ય પ્રધાન તરીકે પ્રતિમાનું ઉદ્ઘાટન કરે. શરૂઆતમાં, મુખ્ય પ્રધાન દેવેન્દ્ર ફડણવીસનું ભારતીય બંધારણની નકલ સાથે સ્થળ પર સ્વાગત કરવામાં આવ્યું હતું. દિવંગત ગોપીનાથ મુંડેની પ્રતિમાના અનાવરણ પ્રસંગે, મુખ્ય પ્રધાને પ્રતિમાને ફૂલો અર્પણ કર્યા અને શ્રદ્ધાંજલિ આપી.
તેમણે પ્રતિમાની નામપટ્ટીનું પણ અનાવરણ કર્યું હતું. મુખ્ય પ્રધાન દેવેન્દ્ર ફડણવીસે જિલ્લા પરિષદ પરિસરમાં જ આવેલી દિવંગત ભૂતપૂર્વ મુખ્ય પ્રધાન વિલાસરાવ દેશમુખની પ્રતિમાને પણ ફૂલો અર્પણ કરીને શ્રદ્ધાંજલિ આપી હતી. જિલ્લા પરિષદ દ્વારા સ્થાપિત ગોપીનાથ મુંડેની પ્રતિમા 14 ફૂટ ઊંચી અને કાંસાની બનેલી છે અને તેનું વજન 900 કિલો છે.
આ પ્રતિમા 3451.56 ચોરસ મીટર વિસ્તારમાં બનાવવામાં આવી છે. આ વિસ્તારમાં સુંદર અને આકર્ષક રોશની કરવામાં આવી છે. આ પ્રતિમા શિલ્પકારો વિજય બોંદર અને અંબાદાસ પૈઘન દ્વારા બનાવવામાં આવી હતી.
પંકજા મુંડેએ કહ્યું હતું કે, ‘આજે એવો દિવસ છે કે મને ખબર નથી કે શું કહેવું. જે દિવસે ગોપીનાથ મુંડેનું અવસાન થયું, તે દિવસે અમે બધા આઘાતમાં હતા. જ્યારે હું હોસ્પિટલમાં ગઈ, ત્યારે મને એવું લાગ્યું કે દિલ્હીમાં કોઈ મને ઓળખતું નથી. તે સમયે, દેવેન્દ્રજી ગોપીનાથ મુંડેના પાર્થિવ શરીર પાસે ઉભા હતા.
તે સમયે, મેં દેવેન્દ્રજીને સંબોધીને પોક મૂકી હતી. નીતિન ગડકરીએ મને ફોન કરીને કહ્યું હતું કે શું થયું હતું, આમ છતાં મને એક અસ્પષ્ટ અપેક્ષા હતી કે હું હોસ્પિટલ પહોંચું ત્યાં સુધી તેઓ જીવતા હશે. તેમના મૃત્યુને સ્વીકારવામાં મને ઘણો સમય લાગ્યો હતો.
આ પણ વાંચો…પંકજા મુંડેની મહાભારતની ઉપમા, પિતાની પુણ્યતિથિ પર રહસ્યમય રાજકીય સંદેશ
