પુત્ર સામે જમીન સોદામાં ગેરરીતિના આરોપો લાગ્યાના બીજા દિવસે અજિત પવાર મુખ્ય પ્રધાન ફડણવીસને મળ્યા

(અમારા પ્રતિનિધિ તરફથી)

મુંબઈ: મહારાષ્ટ્રના નાયબ મુખ્ય પ્રધાન અજિત પવાર તેમના પુત્ર સાથે સંકળાયેલી એક પેઢી પર ગેરકાયદે જમીનના સોદામાં ગેરરીતિના ગંભીર આરોપો લાગ્યાના બીજા દિવસે એટલે કે શુક્રવારે અહીં મુખ્ય પ્રધાન દેવેન્દ્ર ફડણવીસને મળ્યા હતા.

એનસીપીના નેતાઓ પ્રફુલ્લ પટેલ અને સુનીલ તટકરે અજિત પવારની સાથે જ હતા. મુખ્ય પ્રધાનના સત્તાવાર નિવાસસ્થાન ‘વર્ષા’ ખાતે યોજાયેલી બેઠક લગભગ 30 મિનિટ સુધી ચાલી હતી, એમ સૂત્રોએ જણાવ્યું હતું.

અજિત પવારના મોટા પુત્ર પાર્થ પવાર સાથે જોડાયેલી એક પેઢી સાથે સંકળાયેલા 40 એકરના પ્લોટ માટે 300 કરોડ રૂપિયાના સોદા પર કથિત ગેરરીતિઓ માટે શંકાના ઘેરામાં આવી છે. સરકારે ગુરુવારે ઉચ્ચ સ્તરીય તપાસનો આદેશ આપ્યો હતો, આ કેસમાં સામેલ સબ-રજિસ્ટ્રારને સસ્પેન્ડ કર્યો અને ત્રણ વ્યક્તિઓ સામે પ્રાથમિક માહિતી અહેવાલ પણ નોંધ્યો.

આ પણ વાંચો : મહારાષ્ટ્રમાં ભાજપની સમસ્યાઓનો અંત ક્યારે?

પુણે જમીન સોદા પર તપાસ અહેવાલની રાહ જુઓ: બાવનકુળે

મહારાષ્ટ્રના મહેસૂલ પ્રધાન ચંદ્રશેખર બાવનકુળેએ વિપક્ષને નાયબ મુખ્ય પ્રધાન અજિત પવારના પુત્ર પાર્થ સાથે જોડાયેલી એક કંપની દ્વારા 300 કરોડ રૂપિયાના પુણે જમીન સોદા પર ઉચ્ચ સ્તરીય સમિતિ પોતાનો અહેવાલ રજૂ કરે ત્યાં સુધી એક મહિના રાહ જોવા વિનંતી કરી હતી.

અજિત પવારના રાજીનામાની માગણી કરતા વિપક્ષી નેતાઓના જવાબમાં, બાવનકુળેએ પત્રકારોને જણાવ્યું હતું કે રાજ્ય સરકારે આ મામલાની તપાસ માટે અધિક મુખ્ય સચિવ (મહેસૂલ) વિકાસ ખર્ગેની આગેવાની હેઠળ પાંચ સભ્યોની સમિતિની રચના કરીને ઝડપી કાર્યવાહી કરી છે.

‘સમિતિ એક મહિનામાં પોતાનો રિપોર્ટ રજૂ કરશે. રિપોર્ટ મળ્યા પછી, સંડોવાયેલા દરેક વ્યક્તિ સામે કાર્યવાહી કરવામાં આવશે. આરોપો અને પ્રતિઆક્ષેપોમાં સામેલ થવાને બદલે, રિપોર્ટની રાહ જોવી વધુ સારી છે,’ એમ તેમણે જણાવ્યું હતું.

આ પણ વાંચો : અજિત પવારના પુત્ર સાથે જોડાયેલી પેઢી દ્વારા રૂ. 300 કરોડના જમીન સોદોઃ રાજ્યના રાજકીય વાતાવરણમાં ગરમાટો

પાર્થ પવાર સાથે જોડાયેલી એક પેઢી સાથે સંકળાયેલા 40 એકરના પ્લોટ માટે 300 કરોડ રૂપિયાના સોદામાં અનિયમિતતાના આરોપો છે અને રાજકીય વિવાદ શરૂ થયો છે. તપાસ ઉપરાંત, એક સબ-રજિસ્ટ્રારને સસ્પેન્ડ કરવામાં આવ્યા છે અને ત્રણ વ્યક્તિઓ સામે એફઆઈઆર નોંધવામાં આવી છે.

બાવનકુળેએ કહ્યું હતું કે એફઆઈઆરમાં પાર્થ પવારનું નામ નથી કારણ કે દસ્તાવેજો પર હસ્તાક્ષર કરવામાં આવ્યા ત્યારે તે સબ-રજિસ્ટ્રારની ઑફિસમાં તેઓ હાજર નહોતા. ‘કંપનીમાં તેમનો હિસ્સો હોઈ શકે છે, પરંતુ એફઆઈઆરમાં તે લોકોનું નામ છે જેમણે નોંધણી દરમિયાન ખરેખર કાગળો પર સહી કરી હતી,’ એમ પણ રાજ્યના મહેસુલ ખાતાના પ્રધાને જણાવ્યું હતું.

આ પણ વાંચો : નવા ક્રિમિનલ કાયદા લાગુ કરવામાં મહારાષ્ટ્ર મોખરે હોવું જોઈએ: ફડણવીસ

મુખ્ય પ્રધાન ફડણવીસના નિર્દેશ પર રચાયેલી ખર્ગેની આગેવાની હેઠળની પેનલ તપાસ કરશે કે આ જમીન ખાનગી પેઢીને કેવી રીતે વેચવામાં આવી હતી, એમ અધિકારીઓએ જણાવ્યું હતું. અજિત પવારે આ વ્યવહાર સાથે કોઈ જોડાણ હોવાનો ઇનકાર કરતા કહ્યું છે કે, ‘હું આ જમીન સોદા સાથે દૂર દૂર સુધી જોડાયેલો નથી. મુખ્ય પ્રધાને ચોક્કસપણે તેની તપાસ કરવી જોઈએ. આ તેમનો અધિકાર છે.’