રમૂજી સવાલના મનમોજી જવાબ

દર્શન ભાવસાર

કચરો કેટલાં પ્રકારનો હોય?

• ભીનો સૂકો- મિક્સ અને જાહેરમાં અપમાન જેવો લાઈવ કચરો…!
  સૌથી ચિંતાતુર વ્યક્તિ કોણ ગણાય?
  
• જેની કાળી વિગના વાળ સફેદ થયા હોય…
  પ્રેમરોગ શેનાથી મટે?
  
• આશિકના મિલન અને દિલની દવાથી.
  લટ્ટુ એટલે?
  
• લલનાને પૂછજો.
  પહેલો સગો પડોશી…તો બીજો સગો ?
  
• પડોશણ!
  કોઈ હાથ ઊંચા કરી દે. પછી શું?
  
• એને પગ ઊંચા ન કરવા દેતા, નહીંતર એ તમને લઈને પછડાશે!
  પર્દાફાશ થયા પછી શું?
  
• ઢાંકપિછોડો.
  ક્લિનચિટ એટલે?
  
• ચિટિંગનું નવું નામ-નવું રૂપ…
  રૂપ તેરા મસ્તાના.. કાયમ આવું હોય?
  
• ના, એ ક્યારેક રૂપ તેરા ફસાના પણ થાય
  દિવસ ધોળો અને રાત કાળી કેમ?
• એમની મરજી …
  
  સાધુ તો ચલતા ભલા. અને સંસારી?
  ભાગતા ભલા ! સોનું ક્યારે ખરીદાય?.
  
• પૈસા હોય ત્યારે…
  કેરી કયારે ખાવી?
  
• ખિસ્સામાં ‘ખનખન’ બોલતા હોય ત્યારે નહીંતર એની અવેજીમાં સક્કર ટેટી!
  દેખાડો એટલે ?
  
• ખોટનો ખાડો.
  ઘરમાં વીજળી બચત માટે શ્રેષ્ઠ ઉપાય?
  
• બત્તી-પંખા એસી બંધ રાખો!
  છૂંદણાં અને છૂંદા વચ્ચે ફરક કેટલો?
  
• સલમાન અને વિવેક ઓબેરોય જેટલો!
  
  આ પણ વાંચો… રમૂજી સવાલના મનમોજી જવાબ