રમૂજી સવાલના મનમોજી જવાબ

દર્શન ભાવસાર

મન હોય તો માળવે જવાય. મન ના હોય તો?

• ચૂપચાપ બેસી રહેવાનું. નહીં તો વાઈફ માળિયે ચઢાવી દેશે.
  લગ્નમાં જાનૈયા આવે. તો છૂટાછેડામાં?
• વકીલો અને સાક્ષીઓ આવે.
  મારે એકપણ સાળો નથી.
• તો ધરમનો સાળો શોધી લો.
  પ્રકાશ સીધી લીટીમાં કેમ ગતિ કરે છે?
• એ માણસ થોડો છે ? આડી લાઈનમાં જાય તો અધોગતિ થાય. !
  વરસાદ મેઘધનુષી રંગનો પડે તો?
• કવિઓને નવી કવિતા રચવાનો નવો વિષય મળે !
  બસ – ટ્રેન સમયસર ના આવતી હોય ટાઈમટેબલ શા માટે?
• કેટલી મોડી આવી એ જાણવા….
  ગોળા ફેંક, ભાલા ફેંકની જેમ ફેંકમફેકની સ્પર્ધા થાય તો?
• એમાં હારેલાં પણ જીતી ગયાની ફેંકવા માંડે !
  કોનું મન કળી ના શકાય?
• પત્ની અને બોસનું…
  બફાટમાં શું ફાટે?
• માથું….સામેવાળાનું !
  કેલ્ક્યુલેટરમાં લેટર લખાય?
• હા, પણ આંકડાબાજીમાં.
  વાંદરાને નિસરણી આપો તો એ શું કરે ?
• નેતાને માઈક આપો એવું …
  ભૂત બંગલામાં રહે તો પ્રેત ક્યાં રહે?
• વરંડામાં…
  રાતા પાણીથી રડાય તો કયા પાણીથી હસવાનું આવે?
• ભાંગવાળા પાણીથી !
  કયા ભાવથી અભાવ આવે?
• ભેદભાવથી.
  રાજ કેવી રીતે લેવું સારું – લડીને કે રડીને?
• આવડત મુજબ…
  ચાના બદલે કિટલી ગરમ થઈ જાય તો?
• ગેસ બંધ કરી દેવાનો….
  વરસાદમાં પત્ની ભજિયા ના બનાવે તો શું થાય?
• કજિયો !
  સફળ એ કેવું ફળ છે?
• પચાવવામાં અઘરું પડે એવું!
  પત્નીને રાતરાણી કહેવાય?
• કોની પત્નીને?!

આપણ વાંચો : રમૂજી સવાલના મનમોજી જવાબ