રમૂજી સવાલના મનમોજી જવાબ

–દર્શન ભાવસાર

પરણ્યા એટલે પ્યારા લાડી…અને છૂટાછેડા એટલે..?

• છૂટ્યા ઘરવાળી…
  લગ્ન એટલે લાઈફ લાઈન.. અને પ્રેમ એટલે…?
• એક્સ્ટ્રા પાઈપ લાઈન.
  પત્ની ઠંડું શરબત ગરમ કરીને આપે તો?
• ઠંડા દિમાગથી લપછપ કર્યા વિના પી લેવું…
  સામનેવાલી ખિડકી મેં ચાંદ કા ટુકડા…આવું ખરેખર હોય તો?
• પેલી ચાંદના ટુકડાવાળીનો બાપ ગ્રહણ બને…
  પહેલાં યુદ્ધની નોબત વાગતી. હવે સાયરન કેમ?
• મહેનત ઓછી ને કામ ફટાફટ …
  ભગવાન ભૂલો પડે તો ક્યાં જાય?
• ભકત પાસે…મંદિરમાં !
  સમજદારને ઉછીના પૈસા અપાય?
• હા, પણ બીજાને માત્ર સમજ જ અપાય કે ઉધાર ન માગવાની !
  બુદ્ધિનું પ્રદર્શન કેવું હોય?
• જોવા જેવું….
  બાળ બુદ્ધિ, જાડીબુદ્ધિવાળાને શું કહેવું ?
• ભગવાન ત મને સદબુદ્ધિ આપે…
  શિક્ષકની ભૂલ કોણ શોધે?
• આચાર્ય…
  મુંહદિખાઈ વખતે પૈસા દેવા પડે તો મુંહ છિપાઈમાં?
• પૈસા લેવા પડે…
  પ્રેમ આંધળો હોય તો કોણ જોતું હશે?
• પરિવાર- સમાજ ને દુનિયા…
  એજન્ડા કેવો હોય?
• રિટર્ન (લેખિત) અને હિડન (છૂપો)….
  ડાઘ કેમ જિદ્દી હોય છે?
• વોશિંગ પાવડરની સહનશીલતા ચકાસવા…
  કાનમાં કહેવું અને સાનમાં સમજાવવું… સારું શું?
• તમને જે ફાયદો કરાવી દે એ…
  આરામ કેવા રામ હશે?
• વિરામ.
  સટ્ટાખોરી અને સંગ્રહખોરી વચ્ચે ભેદ શું?
• બંને ધંધા ખાનગીમાં કરવા પડે…
  ગાંધીજીનો ચોથો વાંદરો હોત તો શું કરતો હોત?
• એ સોશિયલ મીડિયામાં એક્ટિવ હોત…

આપણ વાંચો:  અજબ ગજબની દુનિયા