રમૂજી સવાલના મનમોજી જવાબ

દર્શન ભાવસાર

ઔરંગઝેબ જીવતો હોત તો?

• બદનક્ષીનો દાવો ફટકાર્યો હોત !
  કેસર, સુંદરી, તોતા, બદામ, … કેરી જેવો આવો વૈભવ બીજા ફળને કેમ મળ્યો નથી?
  
• બીજા ફળને વસ્તાર વધારવાની ઈચ્છા નહીં હોય.
  માતા- પિતા સાચું તીરથ ગણાય તો સાસુ- સસરા?
  
• હિલ સ્ટેશન !
  લાંબા જોડે ટૂંકો જાય, મરે નહીં તો માંદો થાય. બચવા શું કરવાનું?
  
• લાંબા અને ટૂંકાની વચ્ચે ખડા રહેવું ! .
  ડેટિંગ અને ડાયેટિંગમાં ફરક શું?
  
• એકમાં પ્રગટ થવાનું ને બીજામાં પચાવવાનું.
  રાત થોડી, ને વેશ ઝાઝા હોય તો?
  
• રાતપાળીને બદલે દિવસની ડ્યુટી લેવી કપડાની ઝંઝટ નહીં !
  ગાંધી માર્ગે ન ચાલવું હોય તો ?
  
• ગાંધી રોડની ફૂટપાથ પર ચાલવું.
  વચન અને પ્રવચનનો ફાયદો શું?
  
• બન્નેમાં આપવાનો આનંદ મળે…
  નંબર વન થવાની હોડ ક્યારે અટકશે?
  
• જ્યારે લાસ્ટ નંબરને તગડું ઈનામ આપવાની શરૂ થશે ત્યારે
  બ્યુટી પાર્લર ના હોત તો?
  
• રસોડાની દીવાલ પર દર્પણ ને મસાલાની સાથે મેકઅપનો સામાન પડ્યો હોત.
  ભેંસના શિંગડા ભેંસને ભારે પડે.. તો ભેંસે શું કરવાનું?
  
• ડાયેટિંગ !
  માછલીઘર કાચનું કેમ હોય છે?.
  
• બહારની દુનિયાવાળા આપણે કેવા છીએ એ જોઈ શકે એ માટે.
  પેપર કેમ ફૂટે છે?
  
• કારણ કે એ કોઈ જાતના અવાજ કર્યા વગર ફૂટે છે.
  ગાંધીજીનો ચોથો વાંદરો હોય તો?
  
• છેને.આજનું સોશિયલ મીડિયારૂપે !.
  લગ્ન માટે સાચી વય કઈ?
  
• છોકરાં- છોકરીના મા-બાપ હા પાડે એ !
  ફાવટમાં વટ રહે ખરો?
  
• જો કોઈ ચોવટ ના કરે તો.
  કલમ જો તલવારસમાન હોય તો તલવાર કલમસમાન કેમ નહીં?
  
• તલવારથી લખી ના શકાય.

આ પણ વાંચો: રમૂજી સવાલના મનમોજી જવાબ