મિંડાનાઓ: દક્ષિણ પૂર્વ એશિયામાં આવેલા દેશ ફિલિપાઇન્સમાં ભૂકંપના જોરદાર આંચકા અનુભવાયા છે. સેન્ટર ઓફ સિસ્મોલોજી અનુસાર શનિવારે વહેલી સવારે ફિલિપાઇન્સમાં 6.0 ની તીવ્રતાનો ભૂકંપ આવ્યો છે. આ ભૂકંપ શનિવારે ભારતીય સમય મુજબ સવારે 04:37 વાગ્યે આવ્યો હતો. જેનું કેન્દ્રબિંદુ ફિલિપાઇન્સના મિંડાનાઓમાં જમીનમાં 105 કિલોમીટર અંદર હોવાનું અનુમાન છે.
લોકો ભયના કારણે ઘરોમાંથી બહાર નીકળી ગયા
આ ભૂકંપની તીવ્રતા રિક્ટર સ્કેલ પર 6.0 ની હતી. જેના લીધે લોકો ઘરોમાંથી બહાર નીકળી આવ્યા હતા. ભૂકંપને કારણે કોઈ જાનહાનિ અંગે પ્રારંભિક માહિતીમાં હજુ સુધી તે જાણી શકાયું નથી.
મિંડાનાઓમાં આ પહેલા પણ ઘણા જોરદાર ભૂકંપ આવ્યા
ઉલ્લેખનીય છે કે, આ પહેલા પણ ફિલિપાઇન્સમાં ઘણા ભૂકંપ આવ્યા છે. આમાંના ઘણા ભૂકંપ ખૂબ જ ખતરનાક પણ હતા. 2 ડિસેમ્બર, 2023 ના રોજ ફિલિપાઇન્સના મિંડાનાઓમાં 7.4 ની તીવ્રતાનો ભૂકંપ આવ્યો હતો. તેના કારણે સુનામીની ચેતવણી આપવામાં આવી હતી. જ્યારે 17 નવેમ્બર, 2023 ના રોજ મિંડાનાઓમાં 7.6 ની તીવ્રતાનો ભૂકંપ આવ્યો હતો. તેની બાદ સુરીગાઓ ડેલ સુરના દરિયાકાંઠાના વિસ્તારોમાં સુનામીની ચેતવણી જાહેર કરવામાં આવી હતી.
