ભૂકંપ આવ્યો ‘કાળ’ બની, પણ નર્સોએ હિંમત દાખવી નવજાતના બચાવ્યા જીવ, જુઓ વીડિયો?
મ્યાનમારમાં ભૂકંપે મોટી તબાહી સર્જી છે અને મ્યાનમારમાં વારંવાર આવી રહેલા ભૂકંપની અસર ચીનમાં પણ જોવા મળે છે. 72 કલાકમાં અનેક આંચકા આવ્યા પછી મ્યાનમાર થાઈલેન્ડમાં સૌથી વધુ નુકસાન થયું છે.
હજુ પણ ભૂકંપના આંચકા આવી રહ્યા છે ત્યારે સ્થાનિકોના જીવ પડિકે બંધાયા છે, પરંતુ આ ભૂકંપના અહેવાલો વચ્ચે તાજેતરમાં ચીનનો એક વીડિયો વાઈરલ થઈ રહ્યો છે. વીડિયોમાં ભૂકંપના આંચકાને કારણે હોસ્પિટલનો રુમ ડોલી રહ્યો હતો, જ્યારે નવજાત બાળકોને હિંમતપૂર્વક બચાવ્યા હતા.
મ્યાનમારમાં શુક્રવારે બપોરે આવેલા શક્તિશાળી ભૂકંપમાં અત્યાર સુધીમાં 1,600થી વધુ લોકોના મોત થયા છે, જ્યાર 3,400 લોકોને ઈજા પહોંચી છે. ભૂકંપ પછી આફ્ટરશોક્સ આવવાના ચાલુ છે ત્યારે શુક્રવારે ચીનની એક હોસ્પિટલના વિઝ્યુઅલ્સ વાઈરલ થયા છે.
આપણ વાંચો: વિનાશકારી ભૂકંપે મ્યાનમારની દશા બગાડી! 144 લોકોના મોતનો અંદાજ, જાણો અન્ય મહત્વની વિગતો…
ચીનના યુન્નાન સ્થિત એક હોસ્પિટલના સીસીટીવી ફૂટેજ વાઈરલ થઈ રહ્યા છે, જેમાં બે ડિલિવરી વોર્ડની નર્સ નવજાત બાળકોને બચાવવા માટે નર્સોએ પોતાનો જીવ જોખમમાં મૂકીને બાળકોને બચાવ્યા હતા.
સોશિયલ મીડિયા પર વાઈરલ થયેલા વીડિયોમાં એક વોર્ડ જોવા મળ્યો હતો, જેમાં ભૂકંપ આવ્યો ત્યારે ઘોડિયામાં બાળકો જોવા મળ્યા હતા.
આપણ વાંચો: ભૂકંપે મ્યાનમાર-થાઈલેન્ડમાં તારાજી સર્જી, ઐતિહાસિક મંદિરો અને બહુમાળી ઈમારતો ધરાશાયી, જુઓ તસવીરો…
ભૂકંપના આંચકાને કારણે ઘોડિયા પણ જોરદાર હાલકડોલક થયેલા જોવા મળ્યા હતા. હોસ્પિટલની દીવાલો પણ જોરદાર આંચકા આવી રહ્યા હતા, જ્યારે એક નર્સ તો ફર્શ પર બેસીને બાળકને ખોળામાં રાખી લીધું હતું, જ્યારે બીજી નર્સે તો બે હાથે ઘોડિયાને પકડી રાખ્યા હતા, જેથી કોઈ બાળક પડે નહીં. આમ છતાં સમગ્ર બિલ્ડિંગના રુમ હાલકડોલક થવા છતાં નર્સો હિંમત હારી નહોતી.
ભૂકંપના આંચકા તીવ્ર બન્યા પછી પાણીનું ફિલ્ટર ધ્રૂજવા લાગ્યું હતું, જેના કારણે પાણી આખા ફ્લોર પર છલકાયું હતું. ભૂકંપના આંચકા વચ્ચે પણ ભીના ફર્શ પર બાળકને લઈ બેસી રહી હતી અને ડર્યા વિના બાળકોને સાથે રાખ્યા હતા. પહેલી નર્સ તો એક જ ઝટકામાં ફર્શ પર ઘસડાઈ હતી, પરંતુ નવજાતને બચાવ્યા હતા.
વીડિયો વાઈરલ થયા પછી સોશિયલ મીડિયા પર નર્સોની લોકોએ પ્રશંસા કરી હતી. એક યૂઝરે લખ્યું હતું કે ટચિંગ મોમેન્ટ ડ્યુરિંગ ટ્રેજડી, જ્યારે બીજા યૂઝરે લખ્યું હતું કે હીરોઈન્સ. બીજાએ લખ્યું હતું કે હીરોઝ, સેક્રીફાઈસ એન્ડ લવ.