ઇન્ટરનેશનલટોપ ન્યૂઝ
અફઘાનિસ્તાનમાં 4.5ની તીવ્રતાનો ભૂકંપ
![A photo of a collapsed building in Afghanistan after a deadly earthquake](https://bombaysamachar.com/wp-content/uploads/2023/10/Massive-earthquake-devastates-Afghanistan.webp)
અફઘાનિસ્તાનમાં શનિવારે રાત્રે ભૂકંપના આંચકા અનુભવાયા હતા. નેશનલ સિસ્મોલોજીકલ સેન્ટરે જણાવ્યું હતું કે અફઘાનિસ્તાનના ફૈઝાબાદમાં ભૂકંપ આવ્યો હતો, રિક્ટર સ્કેલ પર ભૂકંપની તીવ્રતા 4.5 માપવામાં આવી હતી, જેનું કેન્દ્ર ફૈઝાબાદથી 328 કિમી ઉત્તર-પૂર્વમાં જમીનથી 10 કિમીની ઊંડાઈએ હતું.
અફઘાનિસ્તાનમાં છેલ્લા એક મહિનામાં અનેક વખત ભૂકંપના આંચકા અનુભવાયા હતા. ગયા અઠવાડિયે જ અફઘાનિસ્તાનમાં 4.7ની તીવ્રતાનો ભૂકંપ આવ્યો હતો. ઑક્ટોબરની શરૂઆતમાં, હેરાત પ્રાંતમાં 6.3 તીવ્રતાનો ભૂકંપ આવ્યો હતો, જેમાં 4,000 થી વધુ લોકો માર્યા ગયા હતા અને હજારો મકાનો ધરાશાયી થયા હતા.