Iran ના રાષ્ટ્રપતિ Ebrahim Raisi ને હેલિકોપ્ટર દુર્ઘટનામાં મૃત જાહેર કરાયા
નવી દિલ્હી : ઈરાનના (Iran)રાષ્ટ્રપતિ ઈબ્રાહિમ રાયસીને(Ebrahim Raisi) લઈ જતું હેલિકોપ્ટર રવિવારે ગીચ પર્વતીય વિસ્તારમાંથી પસાર થઈ રહ્યું હતું ત્યારે દુર્ઘટના ગ્રસ્ત થયું હતું. જેમાં રાષ્ટ્રપતિ ઈબ્રાહિમ રાયસીનું મૃત્યુ થયું હોવાની બાબત સામે આવી છે. ઈરાને સત્તાવાર રીતે આ વાતની પુષ્ટિ કરી છે. ઈરાની મીડિયા અનુસાર, આ ઘટના ઈરાનના પૂર્વ અઝરજાન પ્રાંતના જોલ્ફા શહેર પાસે બની હતી.
સર્ચ ઓપરેશનમાં લાગેલી ટીમને હેલિકોપ્ટર મળી આવ્યું હતું
ઈરાની સરકારી ટેલિવિઝનએ જણાવ્યું કે સર્ચ ઓપરેશનમાં લાગેલી ટીમને ક્રેશ થયેલું હેલિકોપ્ટર મળી ગયું છે. જો કે, અન્ય લોકો મળી આવ્યા હોવાની કોઈ માહિતી નથી. રાયસી ઈરાનના સર્વોચ્ચ નેતા આયાતુલ્લા અલી ખમેનીની નજીક છે. તેઓ રવિવારે વહેલી સવારે અઝરબૈજાનના રાષ્ટ્રપતિ ઇલ્હામ અલીયેવ સાથે ડેમનું ઉદ્ઘાટન કરીને પરત ફરી રહ્યા હતા.
લોકોએ રઈસ માટે પ્રાર્થના કરવી જોઈએ
આ ડેમ બંને દેશોએ મળીને અરાસ નદી પર બનાવ્યો છે. ખામેનીએ લોકોને કહ્યું કે દેશની વ્યવસ્થા પર કોઈ અસર નહીં થાય. લોકોએ રઈસ માટે પ્રાર્થના કરવી જોઈએ.
યુએવીએ એકની ઓળખ કરી
માહિતી અનુસાર, તુર્કીના ડ્રોન અકિંચીએ ક્રેશ વિસ્તારમાં ગરમીના સ્ત્રોતની ઓળખ કર્યા બાદ ઈરાની સત્તાવાળાઓએ સોમવારે ઈબ્રાહિમ રાયસીને લઈ જઈ રહેલા ક્રેશ થયેલા હેલિકોપ્ટર તરફ બચાવ ટીમ મોકલી હતી. આકાંસી યુએવીએ એકની ઓળખ કરી. ઈરાનના રાષ્ટ્રપતિ રાયસીને લઈ જતું હેલિકોપ્ટરના ભંગારની વિગતો ઈરાની સત્તાવાળાઓ સાથે શેર કરવામાં આવી છે.
30 મિનિટ પછી સંપર્ક તૂટયો હતો
રાષ્ટ્રપતિ રાયસી અને અઝરબૈજાની રાષ્ટ્રપતિ ઇલ્હામ અલીયેવે તેમની સહિયારી સરહદ પર ક્વિઝ કલાસી ડેમનું ઉદ્ઘાટન કર્યા પછી રાષ્ટ્રપતિ રાયસી, વિદેશ પ્રધાન હોસૈન અમીર-અબ્દોલ્લાહિયન અને અન્ય અધિકારીઓને લઈ જતું હેલિકોપ્ટર ઈરાનના શહેર તાબ્રિઝની નજીક પહોંચ્યું 30 મિનિટ પછી સંપર્ક તૂટી ગયો.
ઈરાનમાં વિવિધ રાજકીય, સામાજિક અને આર્થિક સંકટ
63 વર્ષીય ઈબ્રાહિમ રાયસીનું વિમાન એવા સમયે ક્રેશ થયું છે જ્યારે ઈરાનમાં વિવિધ રાજકીય, સામાજિક અને આર્થિક સંકટોને લઈને અસંતોષ વધી રહ્યો છે. ઈરાનના મૌલવી શાસકો દ્વારા તેહરાનના વિવાદાસ્પદ પરમાણુ કાર્યક્રમ અને યુક્રેનમાં યુદ્ધ દરમિયાન રશિયા સાથે તેના ગાઢ લશ્કરી સંબંધોને લઈને આંતરરાષ્ટ્રીય દબાણનો સામનો કરી રહ્યા છે.
