પાકિસ્તાનમાં હીટ લહેરની આગાહી

ઈસ્લામાબાદ: પાકિસ્તાનમાં સત્તાવાળાઓએ આજે એક એડવાઈઝરી જારી કરીને દેશમાં હિટ વેવની આગાહી સાથે લોકોને ઘરની અંદર રહેવા વિનંતી કરી છે. દેશમાં હિટ વેવની સાથે સખત ગરમી અને હિમનદી-સંચાલિત પૂરની શકયતા દર્શાવાઈ છે.

પાકિસ્તાનનો સૌથી વધુ વસ્તી ધરાવતો પ્રાંત, પંજાબ, ગરમીને કારણે એક અઠવાડિયા માટે તમામ શાળાઓ બંધ કરી રહ્યું છે, જે અંદાજિત ૧૮ મિલિયન વિદ્યાર્થીઓને અસર કરે છે. પાકિસ્તાનના હવામાન વિભાગના વરિષ્ઠ અધિકારી ઝહીર અહેમદ બાબરે જણાવ્યું હતું કે, આ મહિને તીવ્ર ગરમી ચાલુ રહેશે, અને તાપમાન સામાન્ય કરતાં ૬ ડિગ્રી સુધી રહેશે. તેમણે ઉમેર્યું હતું કે આ અઠવાડિયે દેશના ઘણા ભાગોમાં તાપમાન ૪૦ ડિગ્રી સેલ્સિયસથી ઉપર વધશે.

બાબરે કહ્યું કે જૂનમાં દેશમાં બીજી હિટ વેવ આવશે, જ્યારે તાપમાન ૪૫ ડિગ્રી સુધી પહોંચવાની શક્યતા છે. તેમણે કહ્યું કે લોકોએ પુષ્કળ પાણી પીવું જોઈએ અને બિનજરૂરી મુસાફરી ટાળવી જોઈએ. ખેડૂતો અને અન્ય પશુધન માલિકોએ ભારે ગરમી દરમિયાન તેમના પ્રાણીઓના રક્ષણ માટે પગલાં લેવા જોઈએ.

જો કે, ઘણા લોકો, ખાસ કરીને ગરીબ રાષ્ટ્રમાં મજૂરો અને બાંધકામ કામદારો, પૂછે છે કે તેઓ કેવી રીતે ઘરની અંદર રહી શકે છે કારણ કે જો તેઓ કામ નહીં કરે તો તેમના પરિવારો ભૂખે મરશે.