શ્રીલંકામાં ભારે તબાહી બાદ ચક્રવાત દિત્વા ભારતના ચાર રાજ્ય પર ત્રાટકશે, તંત્ર એલર્ટ મોડમાં

ચેન્નાઈ : શ્રીલંકામાં વિનાશ વેર્યા બાદ દક્ષિણ ભારતમાં ચક્રવાત દિત્વા ત્રાટકવાની તૈયારીમાં છે. જેની અસર દેશના ચાર રાજયમાં થશે. જેના પગલે આ રાજ્યના હાઈ એલર્ટ જાહેર કરવામાં આવ્યું છે. ભારતીય હવામાન વિભાગના જણાવ્યા અનુસાર, ચક્રવાત દિત્વા ઉત્તર-ઉત્તર પશ્ચિમ તરફ આગળ વધીને 30 નવેમ્બર સુધીમાં ઉત્તર તમિલનાડુ, પુડુચેરી અને નજીકના દક્ષિણ આંધ્રપ્રદેશના દરિયાકાંઠા નજીક દક્ષિણ પશ્ચિમ બંગાળની ખાડી સુધી પહોંચવાની સંભાવના છે. શ્રીલંકામાં ચક્રવાત દિત્વામાં 121 લોકોના મોત થયા છે.

ચેન્નાઈ એરપોર્ટના અધિકારીઓએ 54 ફ્લાઇટ્સ રદ કરી

હવામાન વિભાગ દ્વારા આગામી 48 કલાકમાં ભારે વરસાદ અને ભારે પવન ફૂંકવાની આગાહીને ધ્યાનમાં રાખીને ચેન્નાઈ એરપોર્ટના અધિકારીઓએ 54 ફ્લાઇટ્સ રદ કરી છે. તમિલનાડુમાં ભારે વરસાદની ચેતવણી વચ્ચે ઘણી શાળાઓ બંધ કરવામાં આવી છે. ચેન્નાઈ એરપોર્ટથી શનિવાર સવારથી રાત સુધી કાર્યરત ATR-પ્રકારની પ્રાદેશિક ટર્બોપ્રોપ ફ્લાઇટ્સનો સમાવેશ થાય છે.

છેલ્લી ઘડીની મુસાફરી ટાળવાની સલાહ

મદુરાઈ, તિરુચિરાપલ્લી, થુથુકુડી, સેલમ, બેંગલુરુ, હૈદરાબાદ અને જાફના જેવા સ્થળોની ફ્લાઇટ્સને અસર થઈ છે. જેમાં એરલાઇન્સે મુસાફરોને એરપોર્ટ પર છેલ્લી ઘડીની મુસાફરી ટાળવાની સલાહ આપી છે. એરપોર્ટના અધિકારીઓએ જણાવ્યું હતું કે ચક્રવાત પવનો અને ભારે વરસાદથી ઉભા થયેલા જોખમોનું મૂલ્યાંકન કર્યા પછી આ નિર્ણય લેવામાં આવ્યો હતો.

આ પણ વાંચો…શ્રીલંકામાં ચક્રવાત “દિત્વા” થી 46 લોકોના મોત, પીએમ મોદીએ મદદની જાહેરાત કરી